شىعىس قازاقستان وبلىسىنىڭ اكىمى دانيال احمەتوۆتىڭ ايتۋىنشا, بۇل ءوڭىردى «قىزىل» ايماقتان شىعارۋ جانە كوروناۆيرۋستىق ينفەكتسيانىڭ تارالۋىن توقتاتۋ ءۇشىن قابىلدانعان ءماجبۇرلى جانە توتەنشە شارا.
وبلىستىق ءماسليحاتتىڭ 7-سەسسياسىندا ايماق باسشىسى دانيال احمەتوۆ شىعىس قازاقستان وبلىسىندا كوروناۆيرۋستىڭ جاعدايى باقىلاۋدا بولسا دا, كۇردەلى كۇيىندە قالىپ وتىرعانىن ايتتى. سەمەيدە ۆيرۋس جۇقتىرعاندار ۇلەسى - 41%, وسكەمەندە - 34%. اۋرۋ ريددەر, گلۋبوكوە جانە ۇلان اۋداندارىندا دا وسۋدە.
«بارلىق تاماقتانۋ ورنىنىڭ جۇمىسى قاتاڭ باقىلاۋدا بولادى. بيزنەسكە جاسىلىپ وتىرعان جەڭىلدىكتەر كارانتين مەن سانيتارلىق-ەپيدەميولوگيالىق شارالاردى ساقتاماۋ دەگەن ءسوز ەمەس», دەدى احمەتوۆ.
اكىمنىڭ ايتۋىنشا, وبلىستا ۆاكتسينانىڭ ەكى كومپونەنتىن العاندار سانى 325 مىڭعا جەتكەن.
«وڭىردە 39 جۇقپالى اۋرۋلار اۋرۋحاناسى بار, سونىمەن قاتار ءبىز تاعى 8100 توسەك ورنالاستىرۋعا دايىنبىز. ازىرگە بىزدە ەمحانالاردىڭ جۇمىس كولەمىتومەن, بىراق بۇل بىزگە دەمالۋعا بولادى دەگەندى بىلدىرمەيدى», دەدى اكىم.
