ەلوردا • 04 تامىز، 2021

ەپيداحۋال: نۇر-سۇلتان «قويۋ قىزىلدان» «قىزىل» ايماققا ءوتتى

32 رەت كورسەتىلدى

«قويۋ قىزىل» ايماق – قاۋىپ-قاتەر دەڭگەيى وتە جوعارى ايماق. وعان 18 شىلدە مەن 2 تامىز ارالىعىندا قازاقستاننىڭ بەس قالاسى، ونىڭ ىشىندە نۇر-سۇلتان قالاسى كىرگەن بولاتىن، دەپ جازادى Egemen.kz.

«قويۋ قىزىل» ايماقتا ينفەكتسيالىق توسەكتەردىڭ تولۋ كورسەتكىشى 70 پايىزدان جوعارى بولادى. نۇر-سۇلتاندا كەشەدەن بەرى ينفەكتسيالىق ستاتسيونارلاردىڭ جۇكتەمەسى 69% قۇراپ، قالا قايتادان «قىزىل ايماققا» ءوتتى. بۇل تۋرالى ونلاين-بريفينگتە قالانىڭ باس مەملەكەتتىك سانيتارلىق دارىگەرى سارحات بەيسەنوۆا ايتتى. 

«بيىلعى ماۋسىمنىڭ ەكىنشى ونكۇندىگىنەن باستاپ «دەلتا» شتامىنىڭ تارالۋىمەن ەلوردادا ەپيدەميولوگيالىق جاعداي ناشارلادى جانە ماۋسىم-شىلدە ايلارىندا جىل باسىنان بەرگى بارلىق سىرقاتتانۋشىلىقتىڭ 55% -ى تىركەلدى. شىلدە ايىندا اۋرۋشاڭدىق دەڭگەيى مامىر ايىنداعى كورسەتكىشتەن - 2،4 ەسە، ماۋسىم ايىندا 2،3 ەسە اسىپ ءتۇستى. ەستەرىڭىزگە سالا كەتەيىن، كوروناۆيرۋستىڭ جاڭا ءتۇرى قىسقا ينكۋباتسيالىق كەزەڭمەن ەرەكشەلەنەدى جانە اۋرۋحاناعا جاتقىزۋ مەن ءولىم -ءجىتىمنىڭ جوعارى ىقتيمالدىعى بار»، دەپ اتاپ ءوتتى س.بەيسەنوۆا.

باس سانيتاردىڭ ايتۋىنشا، ەسكەرتۋلەر جانە جازالاۋ شارالارىنىڭ قابىلدانۋىنا قاراماستان، تۇرعىنداردىڭ ءبارى بىردەي قاۋىپسىزدىك شارالارىن ءتيىستى دەڭگەيدە ساقتامايدى. كەيبىر  مەكەمەلەردە سانيتارلىق نورمالار مەن كارانتين تالاپتارى ەسكەرىلمەيدى، كاسىپكەرلىك وبەكتىلەرى ەسىكتەرىن جاۋىپ الىپ جۇمىس ىستەپ جاتىر. وسى جىلدىڭ 20 مامىرىنان باستاپ مونيتورينگتىك توپتار 7 مىڭنان استام نىساندى تەكسەرىپ، 251 كارانتين رەجيمىن بۇزۋ فاكتىسىن انىقتالدى. بۇل نىسانداردىڭ كوپشىلىگى - قوعامدىق تاماقتانۋ ورىندارى.

سوڭعى جاڭالىقتار

ۇقساس جاڭالىقتار