ءبىلىم • 04 تامىز، 2021

بعم جاڭا وقۋ جىلىنىڭ مەرزىمىن بەكىتتى

230 رەت كورسەتىلدى

قازاقستان رەسپۋبليكاسىنىڭ ءبىلىم جانە عىلىم ءمينيسترى 2021 جىلعى 27 شىلدەدەگى «ورتا ءبىلىم بەرۋ ۇيىمدارىندا 2021 - 2022 وقۋ جىلىنىڭ باستالۋىن، ۇزاقتىعى مەن كانيكۋل كەزەڭدەرىن ايقىنداۋ تۋرالى» بۇيرىققا قول قويدى، دەپ حابارلايدى Egemen.kz.

«مەنشىك نىسانىنا جانە ۆەدومستۆولىق باعىنىستىلىعىنا قاراماستان ورتا ءبىلىم بەرۋ ۇيىمدارىندا 2021- 2022 وقۋ جىلىنىڭ باستالۋى، ۇزاقتىعى جانە كانيكۋلى كەزەڭدەرىنىڭ مىناداي مەرزىمدەرى ايقىندالسىن»، دەپ جازىلعان قۇجاتتا. 

- 2021-2022 وقۋ جىلىنىڭ باستالۋى – 2021 جىلعى 1 قىركۇيەك;

- وقۋ جىلىنىڭ ۇزاقتىعى 1-سىنىپتاردا – 33 وقۋ اپتاسى، 2-11 (12)- سىنىپتاردا – 34 وقۋ اپتاسى.

مەيرام كۇندەرىنە تۇسكەن ساباقتار وقۋ باعدارلاماسى مازمۇنىنىڭ كىرىكتىرىلۋى ەسكەرىلە وتىرىپ، قايتالاۋعا ارنالعان ساعاتتار ەسەبىنەن كەلەسى جۇمىس كۇندەرىنە اۋىستىرىلادى.

وقۋ جىلى ىشىندەگى 1-11 (12)-سىنىپقا ارنالعان كانيكۋل كەزەڭدەرى:

  • كۇزگى كانيكۋل – 7 كۇن (2021 جىلعى 25-31 قازان  ارالىعىندا)،
  • قىسقى – 11 كۇن (2021 جىلعى 31 جەلتوقسان مەن 2022 جىلعى 10 قاڭتار ارالىعىندا)،
  • كوكتەمگى – 11 كۇن (2022 جىلعى 21-31 ناۋرىز ارالىعىندا);

1-سىنىپتا قوسىمشا كانيكۋل – 7 كۇن (2022 جىلعى 7-13 اقپان ارالىعىندا).

بۇيرىق 9 تامىزدان باستاپ كۇشىنە ەنەدى.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • بۇگىن، 22:48

ۇقساس جاڭالىقتار