ءجانتاسىلىم ەتكەندەردىڭ ىشىندە 7 بالا بار. ال, قۇتقارىلعان 3 ادامنىڭ ەكەۋى – بالا.
«جەدەل قۇتقارۋ جاساعىنىڭ قۇتقارۋشىلارىنا كەشە, 2 تامىزدا ساعات 19:14-تە اتىراۋ قالاسىنىڭ ماڭىنداعى تومارلى اۋىلىنىڭ تۇسىندا 17 جاسار ءجاسوسپىرىمنىڭ سۋعا باتقانى تۋرالى حابار ءتۇستى. وقيعا ورنىنا جەدەل جەتكەن قۇتقارۋشىلار ىزدەستىرۋ-قۇتقارۋ جۇمىستارىنا كىرىستى. سۇڭگۋىرلەر كەشكى ساعات 21:03-تە سۋعا باتقان ءجاسوسپىرىمنىڭ دەنەسىن تاۋىپ, جاعاعا شىعاردى», دەپ حابارلادى دەپارتامەنتتىڭ ءباسپاسوز قىزمەتى.
بيىلعى شومىلۋ ماۋسىمى باستالعاننان بەرى 356 پروفيلاكتيكالىق رەيد وتكىزىلگەن. ونىڭ ىشىندە 218 رەيد پوليتسيا قىزمەتكەرلەرىمەن بىرلەسە جۇرگىزىلگەن.
«سوعان قاراماستان, قۇتقارۋشىلار مەن پوليتسەيلەردىڭ ەسكەرتۋىن ەلەمەي, ارنايى بەلگىلەنبەگەن ورىندا سۋعا تۇسۋشىلەر ازايماي وتىر. پوليتسيا قىزمەتكەرلەرى بەلگىلەنبەگەن ورىنداردا شومىلعاندارعا قر اكىمشىلىك قۇقىقبۇزۋشىلىق تۋرالى كودەكسىنە سايكەس, 200 مىڭ تەڭگەدەن استام ايىپپۇل سوماسىن قۇراعان 369 حاتتاما تولتىردى», دەپ ءمالىم ەتتى ءباسپاسوز قىزمەتىنەن.
