«بۇگىنگى كۇنى قالادا 7 045 توسەك-ورىن بار. جاقىندا عانا ورىن سانى 6 مىڭ بولعان. سوڭعى كۇندەرى اۋرۋدىڭ ورشۋىنە بايلانىستى قوسىمشا توسەك ورىندارى دايىندالدى. رەزەرۆتىك توسەكتەر وقۋ-كلينيكالىق ورتالىعى سياقتى ورىنداردا دايىندالعان. سونىمەن قاتار گونچارنايا كوشەسىندەگى فتيزيوپۋلمونولوگيا ورتالىعىندا قوسىمشا 100 ورىن قۇرىلدى. گۋمانيتارلىق-پەداگوگيكالىق كوللەدجدىڭ عيماراتتارىندا دا 300 توسەك-ورىن دايىندالدى. ەرتەڭنەن باستاپ «حاك» مەديتسينالىق ورتالىعىنىڭ بازاسىندا 130 ورىن اشىلادى. تاعى باسقا ۇيىمدار دا قوسىلۋدا», دەدى ول وڭىرلىك كوممۋنيكاتسيالار قىزمەتىندەگى بريفينگىدە.
ونىڭ ايتۋىنشا, قالادا 700 جانساقتاۋ ورنى دايىندالعان, بۇگىنگى كۇنى ولاردىڭ 310-ىندا ناۋقاستار جاتىر. جانساقتاۋ ورىندارىنىڭ 44% بوس ەمەس. بۇعان دەيىن حابارلانعانداي, ەپيدەميولوگيالىق احۋال ناشارلاعان جاعدايدا الماتى ستاتسيونارلارىندا ورىن سانى 10 مىڭعا دەيىن ارتتىرىلاتىن بولادى.
