2020 جىلعى 1 قازاننان باستاپ قازاقستاندا تەمەكىلەردى تسيفرلىق تاڭبالاۋ مىندەتتەلگەن. قازاقستان اۋماعىندا وندىرىلەتىن نەمەسە ەلگە يمپورتتالاتىن بارلىق تەمەكى تسيفرلىق ماركامەن تاڭبالانادى. وندا ءونىم تۋرالى ساندىق اقپارات بولادى.
«تەمەكى ونىمدەرىن ساتۋ ءۇشىن قىمبات جابدىق ساتىپ الۋدىڭ قاجەتى جوق, تاۋارلاردى تاڭبالاۋدىڭ اقپاراتتىق جۇيەسىندە سىلتەمەسى بويىنشا ەلەكتروندى-تسيفرلىق قولتاڭبانى پايدالانۋ ارقىلى تىركەلۋ جەتكىلىكتى»,- دەپ اتاپ ءوتتى كوميتەتتەن.
2D سكانەردىڭ دۇرىس جۇمىس ىستەۋى ءۇشىن ونلاين بكم-دە تاۋارلار نومەنكلاتۋراسىن قوسۋ قاجەت. سايتتا تاۋارلار نومەنكلاتۋراسىن جاڭارتۋعا قوسىمشا شىعىنداردى بولدىرماۋ ءۇشىن ونلاين بكم-دا تاۋارلار نومەنكلاتۋراسىن ءوز بەتىنشە قوسۋ بويىنشا نۇسقاۋلىق ورنالاستىرىلعان. تاۋارلار نومەنكلاتۋراسىن جاڭارتقاننان كەيىن 2D سكانەر ساندىق تاڭبالاۋدى دۇرىس وقيدى.
2D سكانەرلەرگە بالاما رەتىندە Naqty Sauda (Android جانە IOS) تەگىن ءموبيلدى قوسىمشاسىن پايدالانۋ كەرەك.
تاڭبالاۋ جۇيەسىندە تاڭبالانعان تەمەكى ونىمدەرىمەن جۇمىستى وڭايلاتۋ ءۇشىن قابىلداۋ-تاپسىرۋ اكتىلەرىمەن جۇمىستى وڭايلاتۋ, 2D-سكانەرمەن سكانەرلەۋسىز تاڭبالاۋ جۇيەسىندە تاۋاردى ەسەپتەن شىعارۋ مۇمكىندىگى تۋرالى ماسەلە قارالادى.
«ۇساق بولشەك ساۋدادا تاڭبالانعان تاۋارمەن جۇمىستىڭ پروبلەمالىق ماسەلەلەرىن پىسىقتاۋ ءۇشىن تاۋارلاردى تاڭبالاۋدىڭ بىرىڭعاي وپەراتورى ايماقتارعا بارادى, شاعىن دۇكەندەردىڭ بيزنەس-پروتسەستەرىن زەردەلەيدى جانە ۇساق بولشەك ساۋدادا جۇمىس ىستەۋ بولىگىندە تاڭبالاۋ قاعيدالارىنا وزگەرىستەر ەنگىزۋ تۋرالى ۇسىنىمدار پىسىقتالادى», دەلىنگەن حابارلامادا.
شاعىن بولشەك ساۋداداعى كوپتەگەن پروبلەمالار وقۋدا جاتىر. قازىر شاعىن كاسىپكەرلەر ءۇشىن تاڭبالانعان تاۋارلارمەن جۇمىس ىستەۋدىڭ ءارتۇرلى اسپەكتىلەرى بويىنشا پايدالى نۇسقاۋلىقتار مەن جادىنامالار ازىرلەنۋدە, بەينەماتەريالدار دايىندالۋدا, سونداي-اق تاۋلىك بويى جۇمىس ىستەيتىن تسيفرلىق تاڭبالاۋ جونىندەگى بايلانىس ورتالىعىنىڭ بولۋى تۋرالى اقپاراتتى بەلسەندى تاراتادى. جەدەل جەلى تەلەفونى - 8 800 080 6565.
«سونداي-اق تەمەكى 1999 جىلدان باستاپ قاعاز اكتسيزدىك ماركالارمەن تاڭبالاناتىنىن, ءبىزدىڭ ساندىق تاڭبالاۋدى ەنگىزگەنىمىزدى, ەندى 2022 جىلدىڭ قاڭتارىنان باستاپ قاعاز اكتسيزدىك ماركانى الىپ تاستايتىنىمىزدى اتاپ وتەمىز», دەپ جازىلعان حابارلامادا.
