ەكونوميكا • 03 تامىز، 2021

مۇناي ءوندىرۋ ارتادى

22 رەت كورسەتىلدى

قازاقستان تامىز ايىندا وپەك+ كەلىسىمى اياسىندا مۇناي ءوندىرىسىن ارتتىراتىن بولدى. كەلەر ايدا ءوندىرىس كولەمى تاۋلىگىنە 1،491 ملن باررەلگە دەيىن جەتپەك. تيىسىنشە ءار اي سايىن كۆوتا تاۋلىگىنە 16 مىڭ باررەلگە ۇلعايىپ وتىرادى.

ەنەرگەتيكا مينيسترلىگىنىڭ حابارلاۋىنشا مۇنداي كەلىسىم وپەك+ قاتىسۋشى-ەلدەردىڭ ونلاين وتىرىسىندا جاسالعان. وتىرىس قورىتىندىسى بويىنشا مۇناي ءوندىرۋدى اي سا­يىن تاۋلىگىنە 400 مىڭ باررەلگە ۇجىم­­داسا كوبەيتۋ تۋرالى شە­شىم قابىلدانىپتى.

«نۇرلان نوعاەۆ ءوز سوزىن­دە وپەك+ كەلىسىمى اياسىندا قا­بىل­­دانعان شارالار ارقا­سىن­دا الەمدىك مۇناي نارىعىنداعى احۋال جاقسى جاعىنا قاراي وزگەر­گەنىن ايتتى. قازاقستان قاتى­سۋ­شى-ەلدەردىڭ ءوندىرىستى ارت­تىرۋىن جاقتادى» دەلىنگەن تارا­تىلعان حابارلامادا. كەلە­سى وتىرىس جەلتوقسان ايىندا بولادى.

ءاۋ باستا رەسەي مەن ساۋد ارا­بياسى ءوندىرىستى 2022 جىل­دىڭ ساۋىرىنەن باستاپ، 2022 جىل­دىڭ سوڭىنا دەيىن قىسقارتۋ تۋرالى قازىرگى كەلىسىمدى قولداعان. ولاردىڭ پوزيتسياسى بويىنشا ءوندىرىس تامىز بەن جەلتوقسان ارالىعىندا ايىنا 400 مىڭ باررەلدەن قوسىپ وتىرۋى ءتيىس. بىراق بۇعان ءباا قارسىلىق بىلدىرگەن. ولار ءوز كۆوتاسىن تاۋلىگىنە 3،2 ملن باررەلدەن 3،8 ملن باررەلگە كوتەرگىسى كەلدى. ۇزاققا سوزىلعان كەلىسسوز ناتي­جەسىندە ءباا-ءنىڭ بازالىق ءون­دىرىس دەڭگەيى تاۋلىگىنە 3،65 ملن باررەلگە ارتاتىن بولدى. ونىڭ ەسەسىنە امىرلىكتەر وپەك+ اياسىندا شەكتەۋلەردى 2022-ءنىڭ جەلتوقسانىنا دەيىن سوزۋعا كەلىستى. ساراپشىلار ءباا باس­تاماسى وزگە ەلدەرگە دە تۇرتكى بولۋى مۇمكىن دەيدى. ماسەلەن، يراك وپەك+ كەلىسىمى كۇشىنە ەنگەن­نەن باستاپ، حالىقارالىق كوم­پا­نيالاردى قاتىستىرا وتى­رىپ ءوندىرىس قۋاتتىلىعىن ارتتىرعان.

وسىدان ەكى كۇن بۇرىن­عى دەرەك­تەرگە قاراساق، مۇ­ناي باعا­­سى­نىڭ از دا بولسا وس­كە­نىن باي­قايمىز. 19 شىلدە كۇنى باررەلىنە 70 دوللاردان دا تومەن ءتۇسىپ كەتكەن WTI مۇنايىنىڭ باعاسى 0،04 پايىزعا قىمباتتاپ، 71،94 دول­لار بولعان. ال سوڭعى ون كۇن­دىكتىڭ باسىندا 71،82 دول­لار­عا باعالانعان Brent مۇنا­يى 0،26 پايىزعا ءوسىپ، بار­رەلى­نە 73،95 دوللارعا جەتىپتى. تەلە­گرامداعى Tengenomika ارناسىنىڭ جازۋىنشا، وپەك+ ۇيىمىنىڭ كەلىسىمى مۇناي باعاسىنا تەرىس اسەرىن تيگىزدى. «Brent كوتيروۆ­كاسى وپەك+ ۇيىمىنىڭ ءوندى­رىستى اي سايىن تاۋلىگىنە 400 مىڭ باررەلگە دەيىن ارتتىرۋ تۋرا­لى شەشىمىنەن كەيىن 70 دول­لار­دان دا تومەن قۇلدىراپ كەتتى. قازىر COVID-19-دىڭ ءۇشىن­شى تولقىنىنىڭ باستالۋىنا باي­لانىستى مۇناي جانە مۇناي ونىم­­دەرىنە دەگەن سۇرانىس ايتار­لىقتاي تومەن­دەدى»، دەپ جازادى ارنا.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار