ساياسات • 03 تامىز، 2021

ەل تاۋەلسىزدىگىنىڭ 30 جىلدىعىنا ارنالادى

36 رەت كورسەتىلدى

ەلىمىزدە قازاقستان رەسپۋبليكاسى تاۋەلسىزدىگىنىڭ 30 جىلدى­عىنا ارنالعان ءىس-شارالار وتكىزۋ جالعاسۋدا. تاۋەلسىز­دىكتىڭ 30 جىلدىعىنىڭ تامىز ايىنداعى تاقىرىپتىق جەلىسى – «تاۋەلسىزدىكتىڭ قۇقىقتىق نەگىزدەرى. قۇقىق ۇستەمدىگى جانە ازاماتتىق قوعام».

وسى ايدىڭ باستى وقيعالارى قازاقستاننىڭ كونستيتۋتسيا كۇنى مەن حالىقارالىق يادرو­لىق سىناقتارعا قارسى ءىس-قي­مىل كۇنى بولىپ تابىلادى. ەسكە سالا كەتەيىك، مەرەيتوي تۇ­جى­رىمداماسىنا سايكەس ءار اي وزىن­دىك جەكە تاقىرىپتا وتەدى. اتاپ ايتقاندا، ماۋسىم پاتريوتيزم جانە مەملەكەتتىك رامىزدەر تاقىرىبى اياسىندا وتسە، شىلدە «ەلوردا كۇنى. نۇر-سۇلتان – تابىس پەن وركەندەۋدىڭ سيمۆولى» تاقىرىبىندا ءوتتى. وسى جىلدىڭ باسىنان بەرى تاۋەلسىزدىكتىڭ 30 جىلدىعىن مەرەكەلەۋدىڭ وڭىرلىك جوسپارلارى اياسىندا ەلىمىزدە 7 مىڭنان استام ءىس-شارا وتكىزىلدى. قازاق­ستان رەسپۋبليكاسى تاۋەل­سىز­دىگىنىڭ 30 جىلدىعىن مەرەكە­لەۋ­دىڭ تامىز ايىنداعى كەستەسى تاريحي دامۋدىڭ جالپىۇلت­تىق باعدارىن، سونداي-اق قازاق­ستان­دىقتاردىڭ قۇقىقتىق مەملەكەت يدەالدارىنا بەيىلدىلىگىن ايقىن­داۋدا كونستيتۋتسيانىڭ ءمان-ماڭىزىن اشۋعا باعىتتالادى.

مەملەكەتتىك ورگاندار ساني­تارلىق نورمالارعا سايكەس ءتۇر­لى ءىس-شارالار، ونىڭ ىشىندە ازا­ماتتىق قوعام وكىلدەرىنىڭ قاتى­سۋىمەن ديالوگ الاڭدارىن، سون­داي-اق كورمەلەر، پاتريوتتىق اندەردىڭ بايقاۋلارى، جاستار اراسىندا زياتكەرلىك ويىندار وتكىزەدى. «تاۋەلسىزدىك تارلاندارى» جوباسى اياسىندا «حالىق قاھار­مانى»، «ەڭبەك ەرى» اتاق­تارىنا يە بولعان قوعام جانە مەملەكەت قايراتكەرلەرىمەن ون­لاين-كەزدەسۋلەر وتەدى. ەلى­مىزدىڭ مەملەكەتتىك ورگان باس­شى­لارىنىڭ، حالىقارالىق ۇيىم­دار، باسقا ەلدەردىڭ كونس­تي­تۋتسيالىق ادىلەت ورگاندارى مەن عىلىمي قوعامداستىق وكىل­دەرىنىڭ قاتىسۋىمەن حالىق­ارالىق سيمپوزيۋم وتەدى.

سونىمەن قاتار بيىل سەمەي ياد­رو­لىق پوليگونىنىڭ جابى­لۋى­نا 30 جىل تولادى. ەستەرىڭىزگە سا­لا كەتەيىك، بۇل قازاقستان رەس­پۋب­­­لي­كاسىنىڭ تۇڭعىش پرە­زي­دەنتى ن.ءا.نازارباەۆتىڭ 1991 جىل­عى 29 تامىزداعى جار­لى­عى­نىڭ ارقاسىندا مۇمكىن بول­دى. ءبىز­دىڭ ەلىمىز الەم تاريحىن­دا پلا­نە­تاداعى ەكىنشى ءىرى يادرولىق سى­ناق پول­يگونىن جاۋىپ، قۋات­تى­لى­عى بويىنشا ءتورتىنشى اس­كە­­ري يادرولىق ارسەنالدان ءوز ەركى­مەن باس تارتقان ءبىرىنشى ەل بولدى. شىعىس قازاقستان وبلى­سىن­دا سەمەي يادرولىق پولي­گونى جا­بى­­لۋى­نىڭ 30 جىل­دىعىنا ار­نال­­عان حالىقارالىق ءىس-شارا – جىل سايىنعى «مەديتسينا. راديا­تسيا. دەنساۋ­لىق» عىلىمي كونفەرەنتسيا وتكى­زى­لەدى، سونداي-اق يادرو­لىق سى­ناق­تاردان زارداپ شەككەندەر­گە ار­­نالعان ەسكەرتكىشكە گۇل قويۋ ءراسى­مىن ۇيىمداستىرۋ جوس­پارلانعان.

 

دايىنداعان

جولدىباي بازار،

«Egemen Qazaqstan»

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار