بۇل تۋرالى ريا-نوۆوستي مالىمدەدى.
«كونستيتۋتسيا ەرەجەلەرىن باسشىلىققا الا وتىرىپ, نيكول پاشينيان ارمەنيا رەسپۋبليكاسىنىڭ پرەمەر-ءمينيسترى بولىپ تاعايىندالسىن», دەلىنگەن پرەزيدەنت جارلىعىندا.
ارمەنيا كونستيتۋتسياسىنا سايكەس, ەل پرەزيدەنتى جاڭادان سايلانعان ۇلتتىق جينالىستىڭ وكىلەتتىك مەرزىمى باستالعاننان كەيىن دەرەۋ پرەمەر-مينيستر ەتىپ كوپشىلىك ۇسىنعان كانديداتتى تاعايىندايدى. بۇل رەتتە نەگىزگى زاڭدا كەزەكتەن تىس سايلاۋ جاعدايىندا جاڭادان سايلانعان ۇلتتىق جينالىستىڭ وكىلەتتىك مەرزىمى ونىڭ ءبىرىنشى سەسسياسى اشىلعان كەزدەن باستالادى دەلىنگەن.
مينيسترلەر كابينەتىنىڭ ءوزى پرەمەر-مينيستر تاعايىندالعاننان كەيىن ون بەس كۇن ىشىندە قۇرىلادى. وسىدان كەيىن ۇكىمەت باسشىسى 20 كۇن ىشىندە ۇلتتىق جينالىسقا مينيسترلەر كابينەتىنىڭ باعدارلاماسىن ۇسىنۋى كەرەك.
