وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ اقپاراتىنا قاراعاندا, وتكەن تاۋلىكتە 408 ادامنان قاۋىپتى ىندەت انىقتالعان.
«ونىڭ ىشىندە اتىراۋ قالاسىندا 323 جاعداي راستالدى. تەڭىز كەن ورنىندا ناۋقاستار تابىلعان جوق. قىزىلقوعا اۋدانىندا 18, يساتايدا – 16, يندەردە – 15, قۇرمانعازىدا – 15, ماحامبەتتە – 10 ماقاتتا – 6, جىلىوي اۋدانىندا 5 ادام قاۋىپتى ۆيرۋستى جۇقتىردى» دەپ حابارلادى باسقارمانىڭ ءباسپاسوز قىزمەتى.
قازىر 4 867 ادام ءۇي جاعدايىندا ەم-دوم الۋ وقشاۋلانعان. اۋداندارداعى ينفەكتسيالىق ستاتسيونارلاردا – 388, تەڭىز كەن ورنىنداعى ستاتسيوناردا – 342, مودۋلدىك اۋرۋحانادا – 205, №2 وبلىستىق اۋرۋحانادا – 203, تەمىرجول اۋرۋحاناسىندا – 113, كارديولوگيالىق ورتالىقتا – 103, فتيزيوپۋلمونولوگيا ورتالىعىندا – 83, وبلىستىق اۋرۋحانادا 41 ناۋقاس ەم قابىلداۋدا. سونداي-اق ينفەكتسيالىق ستاتسيونارعا لايىقتالعان جاتاقحانالاردا 114 پاتسيەنت جاتىر.
