«تاليبان» سودىرلارى گەرات, لاشكار-گاح جانە كانداگار قالالارىنا باسىپ كىردى. «تاليباننىڭ» شەتەلدىك كونتينگەنت قىركۇيەككە دەيىن ەلدەن كەتەتىنىن مالىمدەگەننەن كەيىن جويقىن شابۋىلدارعا كوشكەنى بەلگىلى. قوزعالىستىڭ وپەراتسيالارى ءساتتى ءوتىپ جاتىر. ماسەلەن, ەلدىڭ سولتۇستىگىندەگى ۇكىمەت اسكەرىن ەلدەن قاشىپ كەتۋگە ءماجبۇر ەتتى.
جەرگىلىكتى بۇقارالىق اقپارات كوزى وڭتۇستىك گيلمەند پروۆينتسياسىنىڭ ورتالىعى – لاشكار گاحتا سەنبىدە كوتەرىلىسشىلەر گۋبەرناتوردىڭ كەڭسەسىنەن بىرنەشە ءجۇز مەتر قاشىقتىقتا بولعانىن حابارلادى. ولار جۇما كۇنى دە وعان جاقىنداعان, بىراق اۋعان اسكەرىنىڭ قولباسشىسى تۇندە شەگىنۋگە ءماجبۇر بولعان سودىرلارعا ايتارلىقتاي سوققى جاساعانىن ايتقان.
گەراتتا Tolo News اگەنتتىگىنىڭ ءتىلشىسى قاقتىعىستار كۇشەيىپ, «تاليبان» سودىرلارى ەكونوميكالىق ماڭىزدى قالانىڭ وڭتۇستىك ايماقتارىنا كىرگەنىن حابارلادى.
كۇنىنە كەم دەگەندە بەس جەردە ۇرىس قيمىلدارى ءوتىپ جاتقانى تۋرالى حابارلامالار كەلىپ تۇسكەن.
اقش ءالى دە اۋەجايدىڭ اينالاسىن باقىلاۋدا ۇستاپ وتىرعان اۋعانستان ۇكىمەتى كۇشتەرىن قولداۋ ءۇشىن اۋە شابۋىلدارىن جۇرگىزۋدە. اۋەجاي ماڭىنداعى بۇۇ عيماراتىنىڭ كۇزەتشىسى جۇما كۇنى «تاليباننىڭ» ادەيىلەپ جاساعان شابۋىلى سالدارىنان قازا تاپتى. تۇرعىندار قالادا قاۋىپسىز جەر از, ال كەيبىر ادامدار وزدەرىن قورعاۋ ءۇشىن قولدارىنا قارۋ الىپ جاتىر دەيدى.
ەو-نىڭ اۋعانستان جونىندەگى ارنايى وكىلى توماس نيكلاسسوننىڭ پىكىرىنشە, ەلدەگى جاعداي ناشارلاي تۇسەدى. ول «تاليباننىڭ» بۇگىنگى ماقساتى – وتكەندى قايتا ورناتۋ, ياعني يسلام امىرلىگىن قايتا قۇرۋ دەگەن ويىن ورتاعا سالدى.
