ساياسات • 02 تامىز، 2021

مال ازىعى ماسەلەسىن شەشۋ پىسىقتالدى

74 رەت كورسەتىلدى

ىسساپارمەن قىزىلوردا وبلىسىنا بارعان اۋىل شارۋاشىلىعى ءمينيسترىنىڭ مىندەتىن اتقارۋشى ەربول قاراشوكەەۆ الدىمەن قۇرعاقشىلىقتان زارداپ شەگىپ، توتەنشە جاعداي جاريالانعان ارال اۋدانىنا ات باسىن بۇردى، جەرگىلىكتى حالىقپەن جانە شارۋاشىلىق باسشىلارىمەن كەزدەستى. بۇل تۋرالى اتالعان مينيسترلىكتىڭ ءباسپاسوز قىزمەتى حابارلادى.

ءمينيستردىڭ مىندەتىن ات­قارۋ­شى مال ازىعىمەن قامتا­ما­­سىز ەتۋ ماسەلەلەرىن شەشۋدى جىل­دام ۇيلەستىرۋ ءۇشىن اۋىل شارۋا­شى­لىعى مينيسترلىگى جانىنان رەس­پۋب­­ليكالىق جەدەل شتاب قۇرىل­عا­نىن ايتا كەلىپ، مينيسترلىكتىڭ باس­­تاماسىمەن ۇكىمەت دەڭگەيىندە ىسكە اسى­ر­ىلاتىن شارالاردى اتادى.

«بىرىنشىدەن، ۇكىمەت رەزەر­ۆى­نەن قى­زىل­وردا وبلى­سىن­داعى قۇر­عاق­­شى­لىق­تان زارداپ شەككەن شار­ۋا­­لاردىڭ قىستاعى­نا جەتكىزىلەتىن مال ازىعىنىڭ قۇنىن ارزانداتۋ ءۇشىن وتكەن اپتادا 1،7 ملرد تەڭگە ءبولىندى. قازىر وسى قارا­جاتتى بارلىق شارۋا قوجالىق­تارىنا تامىز ايىنىڭ ىشىندە جەتكىزۋ قاجەت. ەكىنشىدەن، ازىق-ت ۇلىك كەلىسىم­شارت كورپوراتسياسى 490 توننا ارپانى نارىقتاعىدان تومەن باعامەن ساتتى. جالپى بيىل جەمدىك استىق قورىن 370 مىڭ تونناعا جەتكىزۋ جوس­پارى­مىزدا بار. ۇشىنشىدەن، فەر­مەر­لەردىڭ جەمشوپ دايىنداۋىنا قو­سىمشا ارزانداتىلعان جانار-جاعار­ماي بولىنەتىن بولدى. قازىر ەنەرگەتيكا مينيسترلىگى­مەن بارلىق ماسەلە پىسىقتالدى. تامىز ايىنان باستاپ وبلىستارعا سۇراتىلعان ليميتتەرى بويىنشا جەتكىزىلەدى. قىزىلوردا وبلىسىنا 3،8 مىڭ توننا ليميت ءبولىندى»، دەدى ە.قاراشوكەەۆ.

ۆەدومستۆو باسشىسىنىڭ ايتۋىنشا، ەكولوگيا مينيسترلىگىمەن تابيعي رەزەرۆات جەرلەرىنە مال جايۋ جانە ءشوپ شابۋ جونىندە كە­لىسىم جاسالدى. وسىعان بايلا­نىس­تى قورىقتار جەرىنەن ءشوپ شابۋ جانە مال جايۋ ماسەلەسى شەشىلدى. سونىمەن قاتار قازىرگى جاعدايعا بايلانىستى فەرمەرلەرگە قولداۋ كورسەتۋ ءۇشىن مال شارۋاشىلىعىن دامىتۋعا العان نەسيە تولەمدەرىن كەيىنگە شەگەرۋ جونىندە شارالار قابىلدانادى.

«بۇعان قوسا مينيسترلىك تاراپىنان جاقىندا مال شارۋا­شىلىعىن سۋبسيديالاۋ ەرەجەسىنە ەنگىزىلگەن وزگەرىستەرگە سايكەس وبلىس بويىنشا بىلتىر مال ازىعىنا سۋبسيديا الا الماي قالعان شارۋا قوجالىقتارىنىڭ رەزەرۆتەگى وتىنىمدەرى قاناعاتتاندىرىلاتىن بولدى. بۇل ماقساتقا وبلىس بيۋد­جەتى­نەن 390 ملن تەڭگە قاراجات تا بولىن­گەن. وسى ماسەلە بويىنشا اۋىل شارۋا­شىلىعى باسقارماسى تەز ارادا شەشىم قابىلداۋى قاجەت. سودان كەيىن باسقا وڭىرلەردەن مال ازى­عىن تاسىمالداۋعا تەمىر جول تا­ري­فىنە ارنايى جەڭىلدىكتەر بەرۋ ب­ويىنشا قازاقستان تەمىر جولى كوم­پا­نياسىنىڭ شەشىمى شىقتى»، دەدى ءمي­نيستردىڭ مىندەتىن اتقارۋشى.

تاعى ءبىر ايتا كەتەتىن جايت، اۋىل شارۋاشىلىعى مينيسترلىگى مەن «بايتەرەك» حولدينگى بىرلەسىپ قو­سىم­­شا مال ازىعىن دايىندايتىن تەح­نيكا ساتىپ الۋدى قارجى­لان­دى­رۋ جانە سۋارمالى جەردى يگەرۋ­گە قاجەت قۇرىل­عىلاردى ساتىپ الۋ­عا نەسيە بەرۋ ماسە­ل­ەسىن دە قاراستىرادى.

ە.قاراشوكەەۆتىڭ ايتۋىنشا، جالپى قىزىلوردا وبلىسى بو­يىنشا مال ازى­عى­مەن قامتاماسىز ەتۋ ءۇشىن ىشكى مۇمكىندىكتى تولىق پايدالانىپ جاعدايدى شەشۋگە بولادى. «اۋداندار بويىنشا، ەلدى مەكەندەردە ءشوپ شابۋ بريگادالارىن قۇرۋ قاجەت. وسى ەكى كۇن ىشىندە بارلىق اۋداننىڭ جاع­دايمەن تانىسىپ جەدەل شەشۋ­دى قاجەت ەتەتىن ماسەلەلەردى سارالايمىز»، دەدى ول.

سونداي-اق ۆەدومستۆو باسشىسى جالاعاش، سىرداريا، شيەلى جانە جاڭاقورعان اۋداندارىن ارالاپ، اۋىل شارۋاشىلىعى تاۋارىن ون­دىرۋ­شىلەرمەن كەزدە­سىپ، بۇگىن­گى تىنىس-تىر­شىلىگى­مەن تانى­­سىپ، ءوتىنىش-تىلەكتەرىن دە تىڭدايدى.

 

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار