ساياسات • 02 تامىز، 2021

مۇمكىندىكتەردى ارتتىراتىن مەموراندۋم

11 رەت كورسەتىلدى

قازاقستان رەسپۋبليكاسى پرەمەر-ءمينيسترىنىڭ ورىنباسارى رومان سكليار مەن «ارسەلورميتتال تمد» باس ديرەكتورى ۆيدجاي گويال قر ۇكىمەتى مەن «ارسەلورميتتال تەمىرتاۋ» اق اراسىنداعى ءوزارا تۇسىنىستىك تۋرالى مەموراندۋمعا قول قويدى.

مەموراندۋم قازاقستاننىڭ مەتاللۋرگيا ونەركاسىبىنىڭ تۇراقتى دامۋىن قامتاماسىز ەتەدى، سونداي-اق الەۋ­مەتتىك، ەكولوگيالىق، ەڭبەك جانە ەكو­نوميكالىق سالالارداعى ءوسۋدى كوزدەيدى.

مەموراندۋم شارتتارى بويىنشا «ارسەلورميتتال تەمىرتاۋ» ءوزىن جاڭعىرتۋعا ينۆەستيتسيالاردى ەداۋىر ۇلعايتادى، ونىڭ ينۆەستيتسيالىق كەلى­سىم­شارت شەڭبەرىندەگى جيىنتىق كولە­مى الداعى 10 جىل ىشىندە كەمىندە 3 ملرد دوللاردى قۇرايدى، بۇل رەتتە وسى سوما­نىڭ كوپ بولىگى كەلىسىم قول­دانى­لاتىن العاشقى بەس جىلدا ينۆەستيتسيا­لانادى.

قۇجاتقا سايكەس «ارسەلورميتتال تەمىرتاۋ» اق قىزمەتى حالىقتىڭ دەنساۋ­لىعىن جانە قازاقستان ازاماتتارى­نىڭ الەۋمەتتىك تۇراقتىلىعىن ودان ءارى جاقسارتۋعا، سونداي-اق ونەركاسىپ­تىك قاۋىپ­سىزدىكتى قامتاماسىز ەتۋگە، قور­شاعان ورتانى جانە ەكولوگيانى ساقتاۋعا باعىتتالادى.

كوكس حيمياسى جانە دومنا وندىرى­سىندە، كونۆەرتەر تسەحىندا جانە پروكات تسەحتارىندا كۇردەلى جوندەۋ جۇرگىزۋ، №1 جانە №2 جەو قازاندىقتارىن اۋىس­­تىرۋ جانە جوندەۋ، جاڭا كوكس باتارەيا­لارىن سالۋ جانە ىسكە قوسۋ جانە باسقا دا ءىس-شارالاردى جۇرگىزۋ جوسپارلانۋدا.

سونداي-اق «ارسەلورميتتال تەمىرتاۋ» اق تاۋەلسىز ساراپشىلاردى تارتا وتىرىپ، ءوزىنىڭ بارلىق ون­دىرىس­­تىك تسيكلىن قاۋىپسىز، ەكولوگيا­لىق، الەۋ­مەتتىك تۇراقتىلىق مانىندە اۋقىم­دى تالداۋ جۇرگىزۋدى ۇيىمداستىرادى، سونىڭ نەگىزىندە تاراپتار اتالعان سالالاردى ودان ءارى دامىتۋ جونىندەگى باعدارلامالاردى كەلىسەدى.

مەموراندۋم جاساسۋ الدىندا ەكى تاراپ وكىلدەرىنىڭ كەزدەسۋلەرى بولىپ ءوتتى، وندا وزەكتى ماسەلەلەر بويىنشا ءوزارا ءىس-قيمىل الگوريتمى تالقىلاندى، سونداي-اق ءوندىرىستى جاڭعىرتۋ جونىندەگى جول كارتاسىنا قول قويىلدى.

جالپى مەموراندۋمعا قول قويۋ تاراپ­تارعا ءوزارا ءىس-قيمىلدى ساپا­لى جاڭا دەڭگەيگە شىعارۋعا، «ارسەلورميتتال تەمىرتاۋ» اق وندى­رىس­تىك پروتسەستەرىنىڭ قاۋىپسىزدىگىن جاق­­سار­تۋعا، ەكولوگيالىق قاۋىپسىزدىك تالاپ­­تارى­نىڭ قاعيداتتارىن ساقتاۋعا مۇم­كىندىك بەرەدى.

 

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار