ساياسات • 02 تامىز، 2021

جاۋاپكەرشىلىگى بارلارعا جاعداي جاسالادى

17 رەت كورسەتىلدى

Ashyq جوباسى مەملەكەت باسشىسىنىڭ تاپسىرماسى بويىنشا ىسكە اسىرىلدى جانە بۇگىنگى تاڭدا ءوزىنىڭ تيىمدىلىگىن كورسەتىپ وتىر. وسى رەتتە پرەمەر-ءمينيستردىڭ ورىنباسارى ەرالى توعجانوۆ اتالعان جوباعا بەلسەندى قاتىساتىن بيزنەس-قوعامداستىق وكىلدەرىمەن ونلاين-كەزدەسۋ وتكىزدى.

كەڭەسكە مەملەكەتتىك ورگانداردىڭ باسشىلارى، بارلىق ءوڭىردىڭ اكىمدىكتەرى، «اتامەكەن» ۇلتتىق كاسىپكەرلەر پالاتاسى جانە Ashyq جوباسىنىڭ كوشباس­شىلارى قاتىستى.

قازىر Ashyq جۇيەسىندە 45 مىڭنان اسا كاسىپكەرلىك وبەكتىسى جۇمىس ىستەيدى، 4 ملن استام پايدالانۋشى تىركەلگەن. Ashyq جوباسى ەنگىزىلگەن ساتتەن باستاپ «قىزىل» جانە «سارى» مارتەبەسى بار 23 مىڭنان اسا كەلۋشى انىقتالدى. ونىڭ ىشىندە 13 516 ازاماتتىڭ وڭ پتر-تەستى بار جانە 9 688 ازامات ناۋقاستارمەن قارىم-قاتىناستا بولعان.

ۆيتسە-پرەمەر ەلىمىزدەگى ەپيدە­ميا­­لىق جاعداي وتە كۇردەلى ەكەنىن، بار­لىق ءوڭىر «قىزىل ايماقتا» تۇرعانىن اتاپ ءوتتى. ەلىمىزدىڭ ەمدەۋ ستاتسيو­نار­لارىنداعى توسەك-ورىن­دارى­نىڭ تولىم­دىلىعى 54%-عا جەتتى. دەنساۋلىق ساقتاۋ جۇيەسى وتكەن جىلمەن سالىستىرعاندا ەكى ەسە كوپ جۇكتەمەمەن جۇمىس ىستەۋدە.

كوروناۆيرۋس ينفەكتسياسىن تاراتپاۋ جونىندەگى جاعدايدى باسقارۋ، كاسىپكەرلەر تاراپىنان ەلدەگى كۇردەلى جاعدايعا تۇسىنىستىكپەن قاراۋى جانە جاردەمدەسۋى پاندەميامەن كۇرەستە وتە ماڭىزدى فاكتور بولىپ تابىلادى. Ashyq جۇيەسى اياسىنداعى جۇمىس الەۋ­مەتتىك-ەكونوميكالىق نى­سان­داردا­عى سانيتارلىق-ەپي­دەميالىق جاع­دايدى باقىلاۋعا الىپ قانا قويماي، بيز­نەستىڭ فۋنكتسيونالىن جوعالتپاۋعا، جۇمىس ورىندارىن ساقتاۋعا مۇمكىندىك بەردى. بيزنەس وكىلدەرى ءوز تاراپىنان كارانتين جاعدايىندا جۇمىس ىستەۋگە مۇمكىندىك بەرگەنى ءۇشىن العىس ءبىلدىرىپ، وزدەرىنە العان مىندەتتەمەلەردى ودان ءارى ساقتاۋدى جالعاستىراتىنىن جانە ارىپ­تەستەرىن دە وسىعان شاقىراتىندارىن جەتكىزدى.

ء«بىز ەكونوميكانىڭ دامۋىن، سون­داي-اق 2 ملن-نان اسا ادام جۇمىس ىستەي­تىن قىزمەت كورسەتۋ سەكتورىنداعى شا­عىن جانە ورتا بيزنەستىڭ جۇمىسىن توقتات­پاۋ ءۇشىن ارقاشان كاسىپكەرلەردىڭ ادال جۇ­مى­سىن ۇستانامىز. مەملەكەتتىڭ سە­نىم­دى ءارى جاۋاپكەرشىلىكتى بيزنەسكە قول­داۋ بىلدىرگەنىنە ريزامىز»، دەدى «اتامەكەن» ۇكپ باسقارما توراعاسى ا.مىرزاحمەتوۆ.

سونداي-اق كاسىپكەرلەر ەكى اپتانىڭ مونيتورينگى بويىنشا 2-9 تامىز ارالىعىندا ۇزدىك كورسەتكىشتەرگە يە بولعان جۇيە كوشباسشىلارىنا دەمالىس كۇندەرى جۇمىس ىستەۋگە مۇمكىندىك بەرۋدى قاراستىرۋ تۋرالى باستاما كوتەردى. بۇدان بولەك Ashyq جوباسى كوش­باسشىلارىنىڭ قوعامدىق قوزعالىسىن قۇرۋ تۋرالى شەشىم قابىلداندى.

ە.توعجانوۆ مەملەكەت شوب جاۋاپ­تى نىساندارىنىڭ جۇمىسى ءۇشىن بار­لىق جاعدايدى جاسايتىنىن ايتتى. تابىس تابۋ مەن ازاماتتاردىڭ دەنساۋ­لى­عىن قورعاۋ اراسىنداعى تەپە-تەڭدىكتى تابۋ قاجەتتىلىگىنە شاقىردى.

سونداي-اق ول قالىپتى ءومىر تىرشى­لىگىنە قايتا ورالۋدىڭ جالعىز جولى – ۆاك­تسينا الۋ ەكەنىن جانە ۇجىمدىق يممۋ­ني­تەتتى قالىپتاستىرۋ ءۇشىن ۆاكتسينا الۋ­دىڭ ماڭىزدىلىعى تۋرالى كەڭ اقپارات­تىق ساياسات جۇرگىزۋ كەرەكتىگىن اتاپ ءوتتى.

كەزدەسۋدى قورىتىندىلاي كەلە، پرەمەر-ءمينيستردىڭ ورىنباسارى جاۋاپ­تى مەملەكەتتىك ورگاندار مەن اكىم­دىك­تەرگە «اتامەكەن» ۇكپ-مەن بىر­لە­سىپ، بارلىق ايتىلعان باستامالار­دى پى­سىق­تاۋدى جانە قاجەت بولعان جاع­دايدا كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆاك وتىرىسىندا كەلىسىلگەن ۇسىنىستاردى ەنگىزۋدى تاپسىردى.

 

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار