ولاردىڭ ءبىرى «جەلقۋار» بولىمشەسىندە قولعا تۇسكەن. ساربازدار جاساعى ءتۇن جارىمدا مەملەكەتتىك شەكارانىڭ ءدال تۇبىنەن قىرعىز رەسپۋبليكاسىنىڭ ازاماتىن ۇستاپ الدى. ال ەكىنشى ادام توبىل بەكەتىندە ۇستالدى. مۇنداعى تەمىر جول-شەكارالىق باقىلاۋ بولىمشەسىنىڭ اسكەري قىزمەتشىلەرى تۇنگى ۋاقىتتا رەسەيدەن كەلگەن پويىزدى تەكسەرۋ بارىسىندا قازاقستان اۋماعىنا زاڭسىز كىرمەك بولعان رەسەي ازاماتىن ۇستادى. بۇل ازامات توبىلعا دەيىن جۇك پويىزىنداعى ۆاگونداردىڭ بىرىندە جاسىرىنىپ كەلگەن.
«ەكى جاعدايدا دا شەتەل ازاماتتارى ءتۇن جاسىرىنىپ شەكارادان زاڭسىز ءوتۋدى ماقسات ەتكەن. الايدا شەكاراشىلار تاۋلىگىنە 24 ساعات قىراعى كۇزەتتە تۇر», دەپ مالىمدەدى ۇقك ءباسپاسوز قىزمەتى.
