«جول اكتيۆتەرى ۇلتتىق ساپا ورتالىعى» رمك وبلىستىق فيليالىنىڭ ديرەكتورى بەكبول مۇقاشوۆتىڭ مالىمەتىنشە, رەسپۋبليكالىق جانە جەرگىلىكتى ماڭىزى بار اۆتوموبيل جولدارىنىڭ قۇرىلىسىن, ءارتۇرلى سيپاتتاعى جوندەۋ جۇمىستارىن, سونداي-اق, جول سالۋعا قاجەتتى ماتەريالداردىڭ ساپاسىن تەكسەرەدى.
«جىل باسىننا بەرى 63 نىسانعا باقىلاۋ جاسالدى. جول قۇرىلىسىن جۇرگىزۋ جۇمىستارىنا 417, قىسقى ماۋسىمدا جولداردىڭ كۇتىمىن قاداعالاۋ ءۇشىن 18 رەت تەكسەرۋ ۇيىمداستىرىلدى. تەكسەرۋلەردىڭ ناتيجەسىندە 151 كەمشىلىك انىقتالدى. ونىڭ ىشىندە 41 ورەسكەل اقاۋ بار. جول قۇرىلىسىنا قاجەتتى ماتەريالداردان 405 سىناما الىپ, تەكسەرۋ ءۇشىن فيليال زەرتحاناسىنا جەتكىزىلدى. زەرتحانالىق تەكسەرۋ كەزىندە 60 سىنامانىڭ تالاپقا سايكەس ەمەستىگى راستالدى», دەيدى بەكبول مۇقاشوۆ.
ونىڭ ايتۋىنشا, تەكسەرۋ كەزىندە انىقتالعان كەمشىلىكتەردى جويۋ ءۇشىن جول قۇرىلىسىنا تاپسىرىس بەرۋشىلەر مەن مەردىگەر مەكەمەلەرگە ۇسىنىس حات جولدانعان. ورتالىق ماماندارى انىقتالعان اقاۋلاردىڭ ۋاقىتىلى قالىپقا كەلتىرىلۋىن قاتاڭ باقىلاۋدا ۇستاپ وتىر.
