ەلىمىزدىڭ پرەزيدەنتى قاسىم-جومارت توقاەۆ 2021 جىلعى 19 شىلدەدەگى ەلدەگى ەپيدەميولوگيالىق جاعداي جونىندەگى كەڭەستە قازاقستاننىڭ كەيبىر وڭىرلەرىندە كوروناۆيرۋسقا قارسى ۆاكتسينا دۇرىس ساقتالماعان دەپ اتاپ ايتتى.
«وڭىرلەردىڭ ءبارى بىردەي بۇل جۇمىستى ءتيىستى دەڭگەيدە ۇيىمداستىرمايدى. ۆاكتسينالاردى ساقتاۋدىڭ تەمپەراتۋرالىق رەجيمىن بۇزۋدىڭ كوپتەگەن فاكتىلەرى ەگۋ پۋنكتتەرىنىڭ شامامەن 30%-ندا انىقتالدى» – دەدى مەملەكەت باسشىسى.
بۇل اقپاراتتى 2021 جىلعى 23 شىلدەدەگى بريفينگتە قازاقستان رەسپۋبليكاسى دەنساۋلىق ساقتاۋ مينيسترلىگىنىڭ وكىلدەرى راستادى.
ەستەرىڭىزگە سالا كەتەيىك, اعىمداعى جىلعى اقپاندا COVID-19 كوروناۆيرۋستىق ينفەكتسياسىنا قارسى ۆاكتسيناتسيالاۋ باستالعان كەزدە ەلىمىزدە 200-دەن استام ەگۋ پۋنكتى جۇمىس ىستەدى, اعىمداعى جىلعى 23 شىلدەدەگى جاعداي بويىنشا 2300-دەن استام پۋنكت جۇمىلدىرىلدى.
باستاپقىدا سانيتاريالىق-ەپيدەميولوگيالىق قىزمەت ۆاكتسيناتسيا پروتسەسى باستالعانعا دەيىن ەگۋ پۋنكتتەرىنىڭ اشىلۋىنا بايلانىستى تەكسەرۋلەر جۇرگىزدى. سونداي-اق, ۆاكتسيناتسيالاۋ كەزىندە سانيتاريالىق قاعيدالار تالاپتارىنىڭ ساقتالۋىنا, ونىڭ ىشىندە سالقىن تىزبەكتىڭ ساقتالۋىنا مونيتورينگ جاساۋ ءۇشىن بارۋ جۇرگىزىلەدى.
نەگىزىنەن, ءاربىر ءۇشىنشى ەگۋ پۋنكتىندە (شامامەن 30%) جۇمىسقا رۇقسات العانعا دەيىن سانيتاريالىق قاعيدالار تالاپتارىنىڭ بۇزىلاتىنى انىقتالدى. بۇزۋشىلىقتار جويىلعانعا دەيىن وسى ەگۋ پۋنكتتەرىن پايدالانۋعا رۇقسات ەتىلگەن جوق.
ۆاكتسينالاردى ساقتاۋ جانە تاسىمالداۋ كەزىندە «سالقىن تىزبەك» تالاپتارىن ساقتاۋ حالىققا پروفيلاكتيكالىق ەگۋدى جۇرگىزۋ كەزىندە ماڭىزدى شارت بولىپ تابىلادى. بارلىق ۇيىمداستىرۋشىلىق جانە پراكتيكالىق ءىس-شارالار ۆاكتسينالاردى ساقتاۋدىڭ وڭتايلى تەمپەراتۋرالىق جاعدايلارىن ساقتاۋعا باعىتتالۋى ءتيىس.
سانيتاريالىق-ەپيدەميولوگيالىق قىزمەت قولدانىستاعى ەگۋ پۋنكتتەرىندە سالقىن تىزبەكتىڭ, ۆاكتسيناتسيانى ۇيىمداستىرۋ جانە جۇرگىزۋ قاعيدالارىنىڭ, ونىڭ ىشىندە تەمپەراتۋرالىق رەجيمنىڭ ساقتالۋىنا تۇراقتى نەگىزدە مونيتورينگتى جۇزەگە اسىرادى. ۆاكتسينانى ساقتاۋدىڭ تەمپەراتۋرالىق رەجيمىن ساقتاۋ – ۆاكتسيناتسيالاۋ تيىمدىلىگىنىڭ كەپىلى.
دەنساۋلىق ساقتاۋ مينيسترلىگى مەملەكەت باسشىسىنىڭ تاپسىرماسىن ەرەكشە باقىلاۋعا الىپ وتىر.
