ەكونوميكا • 30 شىلدە، 2021

يندۋستريالىق ايماقتىڭ يگىلىگى

18 رەت كورسەتىلدى

ەكونوميكالىق تۇرعىدا ەلىمىزدىڭ باستى دونورى – الماتى پاندەميا مەن قۋاڭشىلىق جاعدايىندا ءوز تۇرعىندارىن اسىراۋعا قانشالىقتى قاۋقارلى؟ «قىستىڭ قامىن جاز ويلا» قاعيداتىنا سۇيەنگەن الماتىنىڭ يندۋستريالىق ايماعىندا ازىق-ت ۇلىك ونىمدەرى مەن قۇرىلىس ماتەريالدارىن شىعارۋ ءۇشىن ناقتى قانداي ارەكەتتەر جۇرگىزىلىپ وتىر؟ ماسەلەن، وڭىرلىك ۇيلەستىرۋ كەڭەسىنىڭ وتىرىسىندا يندۋستريالىق ايماقتا 8 جاڭا جوبانى ەنگىزۋ تۋرالى شەشىم قابىلداندى.

مۇمكىندىگى مول جوبالار

الدىمەن الماتى يندۋس­تريا­لىق ايماعىنىڭ جال­پى اۋدانى 490 گەكتاردى قۇرايتىنىن، ونىڭ 326 گەكتارى پايدالى اي­ماق­قا جاتاتىنىن ايتا كەتۋ كەرەك. ينفراقۇرىلىمعا تاعى 164 گا جەر بولىنگەن. بۇگىنگى تاڭدا ينۆەستيتسيالىق جوبالاردى ىسكە اسىرۋ ءۇشىن 251،5 گەكتار جەر بە­رىل­سە، 74،5 گەكتارى ازىرگە بوس تۇر.

قۇرىلىسى بيىل باستالعان «Biotech Karal» كومپانياسى – ءۇي جان­ۋار­لارى­نا ارنالعان بيوتاماقتى قوس­پالار مەن تىڭايت­قىش­تار ون­دى­رەتىن العاش­قى زا­ۋىت­تىڭ ءبىرى. ءبىرىن­شى كەزەڭى 2022 جىلى اياقتالادى. قۇرىلىستىڭ ەكىنشى كەزەڭىن 2024 جىلى اياقتاۋ جوسپارلانىپ وتىر. جوبانىڭ قۇنى 850 ملن تەڭگەنى قۇرايدى. زاۋىت 130 جاڭا جۇمىس ورنىن اشادى. كاسىپورىننىڭ قۋاتتىلىعى جىلىنا 6،7 ملن ليتر دايىن ءونىم شىعارۋدى كوزدەيدى.

ال ەكىنشى «Lemonadoff Food» زاۋىتى جىلىنا 15 ملن ليتر كولەمىندە الكوگولسىز سۋسىن شىعارا وتىرىپ، 50 جۇمىس ورنىن جاساقتاۋى ءتيىس. جوبا قۇنى 316 ملن تەڭگەنى قۇرايدى.

ءۇشىنشى نىسان – «سارتاي ەنەرگو سەرۆيس» اۆتوكلاۆتى گازبلوكتار مەن قۇ­رى­لىس ماتەريالدارىن شىعاراتىن زا­ۋىت قۇرىلىسى. بۇل كومپانيا «K7 Group» حولدينگىنىڭ قۇرامىنا كىرەدى ءارى باتىس قازاقستاننىڭ جىلجىمايتىن م ۇلىك نارىعىنىڭ وكىلى. الماتىداعى زاۋىت اليۋميني ۆيتراجدارىن، پلاستيكالىق تەرەزەلەردى، اۆتوكلاۆتى گازبلوكتاردى، ۆيتراجداردى شىعارادى.

ۇسىنىلعان زاۋىتتار تىزى­مىن­دە «ABM Building 2007» دە بار. مۇندا كابەلدىك-وتكىزگىش ءونىم شىعارىلادى.

يندۋستريالىق ايماقتا 2023 جىلعا قا­راي مەتالل قۇ­رى­­لىم­دارى مەن پو­لي­­­ەتي­لەن قۇبىرلارىن شى­عا­را­تىن «بۇرعان-2005» ونەر­كا­سىپتىك كە­شە­نى سا­لى­­­نادى. قازىرگى ۋاقىت­تا كومپانيا قا­زان­­دىق، تۋربي­نا­لىق، ەلەكتر تەح­ني­كا­لىق، حي­ميالىق جاب­دىقتارعا، با­قىلاۋ جۇ­يە­سىنە، اۆا­ريا­عا قارسى قور­عاۋعا قىزمەت كور­سە­­تۋ­مەن قاتار، قۇ­رى­لىس ما­تەريال­­دارىن ءوندىرۋ، كوتەرگىش جانە قور­شاۋ كونسترۋكتسيالارىن سالۋمەن اينالىسادى. الماتى يندۋستريالىق ايماعىندا كومپانيا مە­تالل قۇرى­لىم­دارى مەن پوليەتيلەن قۇ­بىر فيتينگتەرىن شىعاراتىن زاۋىت سالۋدى جوسپارلاپ وتىر. جوبانىڭ قۇنى 2 ملرد تەڭگەنى قۇرايدى. 90-عا جۋىق جۇمىس ورنى اشىلادى.

 

ازىق-ت ۇلىك باعاسىن اسپانداتپاۋ شارالارى

شىلدەنىڭ العاشقى اپتاسىندا تۇتى­نۋ باعالارىنىڭ يندەكسى 0،4%-عا تومەن­دە­گەنى بايقالدى، بۇل قالا پوزيتسياسىن 4 تارماققا (5-تەن 9-عا) تومەندەتۋگە مۇم­كىن­دىك بەردى. بۇل كورسەتكىشكە جەتۋ وڭاي بولعان جوق. جەدەل جانە ستراتەگيالىق شارالار قابىلداۋعا كوپ كۇش سالىندى. وسى ماقساتقا شامامەن 8 ملرد تەڭگە بولىنگەنىن ايتساق تا جەتكىلىكتى. مى­سالى، Magnum Cash & Carry جشس-عا 12 اتاۋلى الەۋمەتتىك ماڭىزى بار ازىق-ت ۇلىك تاۋارلارىن جىلدىڭ سوڭىنا دەيىن بەلگىلەنگەن باعامەن الۋعا جانە ۇيىمداستىرۋعا 3،1 ملرد تەڭگە ءبولىندى.

قاراشا ايىنا دەيىن 10 الەۋ­مەتتىك ماڭىزدى ازىق-ت ۇلىك­تىڭ با­عا­سىن ۇستاپ تۇرۋ ءۇشىن «توي­مارت» ساۋدا جەلىسى 245 ملن تەڭگەنى وسى ماقساتقا پايدالانادى.

1 ملرد تەڭگە – 23،8 مىڭ توننا نان­دى بەلگىلەنگەن ناقتى باعا­سى­مەن جەت­كى­ز­ۋ ءۇشىن اقساي «حبك» جشس-نا وسى جىلدىڭ جەلتوقسان ايىنا دەيىن بەرىلدى. 800 ملن تەڭگە «الساد قازاقستان» جشس-نا 49،6 ملن جۇمىرتقانى 3 جىل بويى بەلگىلەنگەن باعاسى 400 تەڭگەدەن قامتاماسىز ەتىپ وتىرۋى ءۇشىن ءبولىندى. Union Products جشس-نا 250 ملن تەڭگە 2 730 توننا ەت ءونىمىن (1365 توننا سيىر ەتى مەن تاۋىق ەتى) 132 دۇكەنگە بەلگىلەنگەن باعا بويىنشا (2050 – سيىر ەتى، 782 تگ – تاۋىق ەتى) 2022 جىلدىڭ ناۋرىزى­نا دەيىن جەتكىزۋى ءۇشىن بەرىلدى.

«اسىل Meat» جشس-نىڭ 6 فيرمالىق دۇكەندەرىنە 2022 جىلدىڭ ماۋسىمىنا دەيىن كيلوسى 2050 تەڭگەدەن 90،5 توننا سيىر ەتىن جەتكىزىپ وتىرۋى ءۇشىن 88 ملن تەڭگە الدى. بۇلاردان بولەك، 255 تگ/كگ-نان 5 مىڭ توننا قانت جەتكىزۋ ءۇشىن ءىرى قانت ءوندىرۋشى – «مەركى قانت زاۋىتىنا» «اينالىم» زاەمىن بەرۋ پىسىقتالىپ جاتىر.

قالانىڭ جەتى نەگىزگى ازىق-تۇ­لىك بازا­رىندا «الەۋمەتتىك دۇ­كەندەر» جۇمىس ىستەيدى. بۇل بازار­لاردا كۇندەلىكتى قا­جەت­تى ازىق-ت ۇلىك نارىقتىق باعادان تو­مەن باعامەن ساتىلادى.

بيىل الماتى قالاسى مەن الماتى وبلىسى وڭىرارالىق كووپەراتسيا ءوزارا مامىلەگە كەلگەن بولاتىن. الماتى وبلىسىنا ساپاردىڭ ارقاسىندا «JLC ءسۇت» جشس-مەن «ماگنۋم» ساۋدا جەلىسىنە ءسۇت، سۇزبە ونىم­دەرىن جەتكىزۋ جونىندە كەلىسىم جا­سال­­دى. سونىمەن قاتار Naz-Dana شق Small جانە Toimart ساۋدا جەلىلەرىنە 1 توننا پياز جەتكىزەدى. «الاتاۋ قۇس» كومپانياسىنان كيلوسى 820 تەڭگەدەن اسپايتىن 1200 توننا تاۋىق ەتىن ساتىپ الۋعا ءونىم جەتكىزۋ ءۇشىن 1 جىلعا 1 ملرد تەڭگە سوماسىنا «اينالىم» قارىزىن بەرۋ ماسەلەسى قارالىپ جاتىر.

سونىمەن قاتار، كارتوپ پەن ءسابىز با­عا­سىنىڭ وسۋىنە بايلانىس­تى جەدەل تۇردە تۇركىستان وب­لى­سىنان كوكونىستەردى تىكەلەي جەت­كىزۋ ماسەلەسى شەشىلدى. بۇل كار­توپقا كوتەرمە باعانى 260 تگ/كگ-نان 125 تگ/كگ-عا دەيىن، سابىزگە 450 تگ/كگ-نان 200 تگ/كگ-عا دەيىن تومەندەتۋگە مۇمكىندىك بەردى. بولاشاقتا نارىقتىڭ تولىعۋىنا باي­لانىستى باعانى تومەندەتۋ ءۇردىسى ساقتالادى.

2021-2022 جىلدارى ماۋسىم­ارا­لىق كەزەڭدە «ماگنۋم» جانە باسقا دا ساۋدا جەلىلەرىندە ساتۋ ءۇشىن 2،5 ملرد تەڭگەگە 22 مىڭ تون­نا كوكونىستى ساتىپ الۋعا «فور­ۆارد­تىق» كەلىسىم جاسالدى.

 

الماتى

 

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار