شەتەلدىك جۇمىس كۇشىن تارتۋعا بەرىلگەن رۇقساتتاردىڭ ىشىندە مىناداي ساناتتار بار: ءبىرىنشى سانات – 651 (باسشىلار جانە ولاردىڭ ورىنباسارلارى), ەكىنشى سانات – 3 281 (قۇرىلىمدىق بولىمشەلەردىڭ باسشىلارى), ءۇشىنشى سانات – 7 600 (ماماندار) جانە ءتورتىنشى سانات – 410 ادام (بىلىكتى جۇمىسشىلار).
سونداي-اق, ماۋسىمدىق جۇمىستارعا – 1 939 ادام, ال كورپوراتيۆتىك اۋىستىرۋ شەڭبەرىندە – 1915 ادام تارتىلعان.
قازىرگى ۋاقىتتا قازاقستاندا شجك پايدالاناتىن 1 793 جۇمىس بەرۋشى بار. ولاردا شامامەن 484 مىڭ قازاقستان ازاماتى جۇمىس ىستەيدى, بۇل جالپى جۇمىسشىلار سانىنىڭ 97%-ىن قۇرايدى.
ەڭبەكشى ميگرانتتار شىعاتىن نەگىزگى ەلدەر كەلەسى: قىتاي – 3 782 ادام, وزبەكستان – 1 953 ادام, تۇركيا – 1 633 ادام, ءۇندىستان – 1 051 ادام, ۆەنگريا – 992 ادام, ۇلىبريتانيا – 959 ادام.
ىشكى ەڭبەك نارىعىن قورعاۋ ماقساتىندا قر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن ەلىمىزگە شەتەلدىك مامانداردى تارتۋعا ارنالعان كۆوتا بەلگىلەيدى.
2021 جىلى اتالعان كۆوتا مولشەرى جۇمىس كۇشىنە شاققاندا 0,31%-دى نەمەسە 29,3 مىڭ بىرلىكتى قۇرادى.
