قازاقستان • 29 شىلدە، 2021

15،7 مىڭنان استام شەتەلدىك ازامات قازاقستاندا ەڭبەك ەتىپ ءجۇر

17 رەت كورسەتىلدى

2021 جىلعى 1 شىلدەدەگى جاعداي بويىنشا 15 796 شەتەلدىك ازامات جەرگىلىكتى اتقارۋشى ورگانداردىڭ رۇقساتى بويىنشا قازاقستان رەسپۋبليكاسىنىڭ اۋماعىندا ەڭبەك ەتىپ ءجۇر، دەپ حابارلايدى Egemen.kz قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.

شەتەلدىك جۇمىس كۇشىن (بۇدان ءارى – شجك) تارتۋعا بەرىلگەن رۇقساتتاردىڭ ىشىندە مىناداي ساناتتار بار: ءبىرىنشى سانات – 651 (باسشىلار جانە ولاردىڭ ورىنباسارلارى)، ەكىنشى سانات – 3 281 (قۇرىلىمدىق بولىمشەلەردىڭ باسشىلارى). تارتىلعان شجك-ءنىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – تيىسىنشە 7 600 ادام جانە 410 ادام. سونداي-اق ماۋسىمدىق جۇمىستارعا – 1 939 ادام، ال كورپوراتيۆتىك اۋىستىرۋ شەڭبەرىندە – 1915 ادام تارتىلعان.

قازىرگى ۋاقىتتا قازاقستاندا شجك پايدالاناتىن 1 793جۇمىس بەرۋشى بار. ولاردا شامامەن 484 مىڭ قازاقستان ازاماتى جۇمىس ىستەيدى، بۇل جالپى جۇمىسشىلار سانىنىڭ 97%-ىن قۇرايدى. ەڭبەكشى ميگرانتتار شىعاتىن نەگىزگى ەلدەر كەلەسى: قىتاي – 3 782 ادام، وزبەكستان – 1 953 ادام، تۇركيا – 1 633 ادام، ءۇندىستان – 1 051 ادام، ۆەنگريا – 992 ادام، ۇلىبريتانيا – 959 ادام. ەستەرىڭىزگە سالا كەتەيىك، ىشكى ەڭبەك نارىعىن قورعاۋ ماقساتىندا قر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن ەلىمىزگە شەتەلدىك مامانداردى تارتۋعا ارنالعان كۆوتا بەلگىلەيدى. 2021 جىلى كۆوتا مولشەرى جۇمىس كۇشىنە شاققاندا 0،31%-دى نەمەسە 29،3 مىڭ بىرلىكتى قۇرادى.

 

سوڭعى جاڭالىقتار

زاڭ ءبىلىمىنىڭ ساپاسى قارالدى

پارلامەنت • بۇگىن، 08:10

شەرحاننىڭ شامىرقانىسى

ادەبيەت • كەشە

مەيىرىم ءپالساپاسى

رۋحانيات • كەشە

تۋريستەر تورگە وزسا...

ايماقتار • كەشە

ورالحاننىڭ وبرازى

ادەبيەت • كەشە

اۋەزوۆتىڭ عادەتى

ادەبيەت • كەشە

ۇقساس جاڭالىقتار