انتيتسيكلون جوتاسىنىڭ اسەرىنەن قازاقستان اۋماعىنىڭ باسىم بولىگىندە كۇن اشىق بولادى.
تەك ەلىمىزدىڭ سولتۇستىگىندە, ورتالىعىندا جانە وڭتۇستىك-شىعىسىندا اتموسفەرالىق اۋا اعىندارى بولىكتەردىڭ ءوتۋى اسەرىنەن نايزاعاي جارقىلداپ, وتكىنشى جاڭبىر جاۋادى, بۇرشاق جاۋى مۇمكىن.
رەسپۋبليكا بويىنشا كەي جەرلەردە جەلدىڭ كۇشەيۋى, وڭتۇستىك جانە وڭتۇستىك-شىعىستا شاڭدى داۋىل تۇرۋى كۇتىلەدى.
جامبىل, تۇركىستان, قىزىلوردا وبلىستارىنىڭ كەي جەرلەرىندە شاڭدى داۋىل تۇرىپ, جەل 15-20 م/س كۇشەيەدى, جامبىل وبلىسىندا كۇندىز تاۋلى اۋدانداردا بۇرشاق جاۋى ىقتيمال.
قاراعاندى, سولتۇستىك قازاقستان, تاڭەرتەڭ جانە كۇندىز پاۆلودار, كۇندىز اقمولا وبلىستارىندا جەلىڭ جىلدامدىعى 15-20 م/س جەتەدى, تۇندە سولتۇستىك قازاقستان وبلىسىنىڭ كەي جەرلەرىندە بۇرشاق كۇتىلەدى.
كۇندىز الماتى وبلىسىنىڭ تاۋلى اۋداندارىندا بۇرشاق ءتۇسۋى مۇمكىن.
كۇندىز جامبىل وبلىسىندا اپتاپ ىستىق ساقتالادى, باتىس قازاقستان وبلىسىنىڭ وڭتۇستىك-باتىسىندا دا قاتتى ىستىق بولادى.
قىزىلوردا, تۇركىستان, ماڭعىستاۋ, جامبىل وبلىستارىنىڭ باسىم بولىگىندە, اتىراۋ, الماتى, اقتوبە, قاراعاندى وبلىستارىنىڭ كەي جەرلەرىندە, قوستاناي وبلىسىنىڭ وڭتۇستىگىندە, اقمولا, شىعىس قازاقستان وبلىستارىنىڭ جەكەلەگەن اۋداندارىندا ءورت قاۋپى ساقتالادى.
