سەربيالىق كلۋب فۋتبولشىلارى «قايراتتىڭ» قاقپاسىنا جاۋاپسىز بەس گول سوقتى. وسىلايشا ولار چەمپيوندار ليگاسىنان شىعىپ قالدى.
«قايراتتىڭ» باس باپكەرى كيريلل كەكەر «تسرۆەنا زۆەزداعا» قارسى ويىندى قورىتىندىلادى:
- مەن باس باپكەر رەتىندە وسى جەڭىلىسكە قاتىستى جاۋاپكەرشىلىكتى ءوز موينىما العىم كەلەدى. مەن «تسرۆەنانىڭ» كۇشى تۋرالى ايتپاس ەدىم, وبەكتيۆتى جانە سۋبەكتيۆتى سەبەپتەرگە بايلانىستى ءبىز ءوزىمىز وينايتىن فۋتبولدى كورسەتە المادىق.
ماتچ الدىندا بىزدەگى مۇمكىندىك 50-50 بولدى, وكىنىشكە وراي, ءبىز 5:0 ەسەبىمەن جەڭىلىپ قالدىق جانە بۇل ءبىز ءۇشىن قايعىلى جاعداي. ەندى ءبىر اپتادان كەيىن ءبىز تاعى ءبىر ەۋروكۋبوك تۋرنيرىندە ويناۋعا مۇمكىندىگىمىز بار.
ەندى «قايرات» 5 تامىز كۇنى الماتىدا «الاشكەرت» كلۋبىمەن كەزدەسەدى. 12 تامىز ەرەۆاندا قارىمتا كەزدەسۋ جوسپارلانعان.
