كوروناۆيرۋس • 28 شىلدە، 2021

ەلىمىزدىڭ وڭىرلەرىنە QazVac ەكپەسىنىڭ 600 مىڭ دوزاسى جەتكىزىلەدى

34 رەت كورسەتىلدى

دەنساۋلىق ساقتاۋ ءمينيسترى الەكسەي تسوي ورتالىق كوممۋنيكاتسيالار قىزمەتىندە وتكەن بريفينگىدە وتاندىق QazVac ۆاكتسيناسىنىڭ 600 مىڭ دوزاسى قويمادا تۇرعانىن اتاپ ءوتتى، دەپ حابارلايدى Egemen.kz.

ورتالىق كوممۋنيكايالار قىزمەتىندە الەكسەي تسويعا باق وكىلدەرى تاراپىنان قىرعىز ەلىنە جىبەرىلگەن وتاندىق QazVac ۆاكتسيناسى تۋرالى ساۋال قويىلدى. 

«وڭىرلەرگە QazVac ۆاكتسيناسىنىڭ 100 مىڭ دوزاسى جەتكىزىلىپ جاتىر. كەي وڭىرلەرگە جەتىپ تە قويدى. سونىمەن قاتار، 600 مىڭ دوزا شىعارىلدى. قازىر بۇل ءونىم قاۋىپسىزدىك بويىنشا تەكسەرۋدەن ءوتىپ جاتىر. تامىز ايىندا ول دوزالار دا ەل وڭىرلەرىنە جەتكىزىلەدى»، دەدى مينيستر اق وكىلىنىڭ ساۋالىنا بەرگەن جاۋابىندا.

سونداي-اق، ول قىرعىز رەسپۋبليكاسىنا جىبەرىلگەن ۆاكتسينا تۋرالى دا پىكىر ءبىلدىردى.

«قىرعىز رەسپۋبليكاسىنا گۋمانيتارلىق كومەك تۋرالى ايتساق، كورشى ەل مەملەكەت باسشىلىعىنان كومەك سۇراعان بولاتىن. قازاقستان ءوزى دە گۋمانيتارلىق كومەك الىپ وتىرعان جانە كومەك كورسەتەتىن ەل رەتىندە كورشى، باۋىرلاس رەسپۋبليكاعا جاردەم بەرگەن بولاتىن. سوندىقتان، بۇل قازاقستاننىڭ جەتىستىگى دەۋگە بولادى. ءبىزدىڭ ۆاكتسينا وزگە ەلدەردە دە قولدانىلىپ جاتىر. ارينە، بىزدەن كوبىرەك مولشەردە سۇراعان بولاتىن. جامبىل وبلىسىندا ءوزىمىزدىڭ وندىرىستىك الاڭدى ىسكە قوسۋدىڭ ارقاسىندا ءسىز اتاعان مولشەردە كومەك بەردىك. قازىر ءبىز بەلگىلى ءبىر وندىرىستىك قۋاتقا كوشتىك. قوسىمشا 600 مىڭ دوزا قويمادا تۇر»، دەدى الەكسەي تسوي.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار