قازاقستان • 28 شىلدە، 2021

قورعانىس مينيسترلەرى دۋشانبەدە كەزدەستى

121 رەت كورسەتىلدى

دۋشانبە قالاسىندا شانحاي ىنتىماقتاستىق ۇيىمىنا مۇشە مەملەكەتتەردىڭ قورعانىس مينيسترلەرى كەزدەستى. بۇل تۋرالى ۆەدومستۆونىڭ ءباسپاسوز قىزمەتى حابارلادى، دەپ جازادى Egemen.kz.

فوتو: ءباسپاسوز قىزمەتى

ءىس-شاراعا  ءۇندىستاننان – رادجناتح سينگح، قازاقستاننان – گەنەرال-لەيتەنانت نۇرلان ەرمەكباەۆ، قىتايدان – گەنەرال-پولكوۆنيك ۆەي فەنحە، قىرعىزستاننان – گەنەرال-مايور تاالايبەك ومۋراليەۆ، پاكىستاننان – پەرۆەز حاتتاك، رەسەيدەن – ارميا گەنەرالى سەرگەي شويگۋ، تاجىكستاننان – گەنەرال-پولكوۆنيك شەرالي ميرزو جانە وزبەكستاننان – گەنەرال-لەيتەنانت باحودير كۋربانوۆ قاتىستى.

كەلىسسوز شىۇ وڭىرلىك تەرروريزمگە قارسى قۇرىلىمى (وتقق) اتقارۋشى كوميتەتىنىڭ ديرەكتورى دجۋماحون گيەسوۆ جانە بەلارۋس قورعانىس ءمينيسترى گەنەرال-لەيتەنانت ۆيكتور حرەنيننىڭ قاتىسۋىمەن ءوتتى.

كەڭەسكە قاتىسۋشىلار حالىقارالىق جانە وڭىرلىك قاۋىپسىزدىكتىڭ وزەكتى ماسەلەلەرى توڭىرەگىندە پىكىر الماستى. اۋعانستان اۋماعىندا ورىن الىپ جاتقان قاۋىپ-قاتەردى بەيتاراپتاندىرۋ بويىنشا ىقتيمال ارەكەتتەردى تالقىلادى.

قازاقستاننىڭ قورعانىس ءمينيسترى گەنەرال-لەيتەنانت نۇرلان ەرمەكباەۆ شىۇ شەڭبەرىندەگى ىنتىماقتاستىقتى دامىتۋدىڭ، اتاپ ايتقاندا، تەرروريزمگە قارسى ءىس-قيمىل، اۋعانستانداعى احۋال، داعدارىستى جاعدايىن بولجاۋ، الدىن الۋ شارالارىن قابىلداۋ جانە ءوزارا ءىس-قيمىل فورماتىن دامىتۋ، ونىڭ ىشىندە جەدەل اقپارات الماسۋدى جولعا قويۋ سياقتى وزەكتى ماسەلەلەردى قوزعادى. سونىمەن قاتار جاھاندىق دەڭگەيدە بەيبىتشىلىكتى، تۇراقتىلىق پەن قاۋىپسىزدىكتى نىعايتۋ تۇرعىسىنان سيريا ماسەلەسىنە توقتالىپ، استانا پروتسەسى بارىسىندا قول جەتكىزىلگەن ۋاعدالاستىقتار وسى ەلدەگى سوعىستىڭ ايتارلىقتاي دارەجەدە توقتاتىلۋىنا جانە يگيل ۇيىمى (قازاقستاندا تىيىم سالىنعان) وكتەمدىگىنىڭ جاي-كۇيىنە ىقپال ەتكەنىن اتاپ ءوتتى.

سونىمەن بىرگە، ۆەدومستۆو باسشىلارى رەسەي «بەيبىت ميسسيا – 2021» بىرلەسكەن تەرروريزمگە قارسى اسكەري كوماندالىق-شتابتىق وقۋ-جاتتىعۋلارىن وتكىزۋدى تالقىلادى. ول بيىلعى جىلعى قىركۇيەككە جوسپارلانعان.

كەلەسى كەڭەس 2022 جىلى وزبەكستاندا وتەدى.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار