سول كەزدەرى دجوردجيا شتاتىنىڭ ورتالىعىندا XXVI جازعى ويىندار دۇركىرەپ تۇرىپ ءوتىپ جاتتى. ال 27 شىلدەدە وليمپيادا قوزعالىسىنىڭ 100 جىلدىق مەرەيتويىن اتاپ ءوتۋ ءۇشىن ساڭ مىڭ ادام ساياباقتا جينالدى. ءدال سول كەزدە جارىلىس بولىپ, سونىڭ سالدارىنان ەكى ادام كوز جۇمدى. تاعى 111-ءى ءتۇرلى دەنە جاراقاتتارىن الىپ, اۋرۋحاناعا ءتۇستى. ەگەر سول ماڭداعى كۇزەتشىلەرىدىڭ ءبىرى ريچارد دجۋەللا قىراعىلىق تانىتپاعاندا جاپا شەككەندەردىڭ سانى الدەقايدا كوپ بولاتىن ەدى. ول ساياباقتاعى ورىندىقتىڭ ءبىرىنىڭ استىندا كۇدىكتى زاتتى بايقاعانى تۋرالى پوليتسياعا حابارلايدى. وقيعا ورنىنا دەرەۋ جەتكەن ارنايى ماماندار حالىقتىڭ ءبىرازىن وقشاۋلاندىرىپ ۇلگەرەدى. بىراق بومبا ءبارىبىر جارىلادى.
قۇزىرلى ورگاندار العاشىندا كۇدىكتىلەردىڭ ءبىرى رەتىندە دجۋەللانى ابدەن تەرگەپ, ءبىراز جىل اۋرە-سارساڭعا سالادى. كەيىننەن ول اقتالىپ شىققانىمەن, جوعارىداعى جاعداي جازىقسىز جازالانعان جاننىڭ جۇرەگىن قاتتى جارالايدى. ونسىز دا دەنساۋلىعى ناشار ريچارد 2007 جىلدىڭ 29 تامىزىندا قايتىس بولدى. ول نەبارى 44 جاستا ەدى...
ال قىلمىسكەردىڭ ءوزى 2003 جىلى تۇتقىندالادى. ونىڭ اتى-ءجونى – ەريك روبەرت رۋدولف. ءتارتىپ ساقشىلارىنىڭ قولىنا تۇسكەنگە دەيىن ول اقش-تىڭ وڭتۇستىك ايماقتارىندا تاعى ءۇش جارىلىس ۇيىمداستىرىپ ۇلگەرەدى. قىلمىسى تولىقتاي دالەلدەنگەننەن كەيىن ايتۋلى تەرروريست ءومىر بويى تەمىر تورعا توعىتىلادى.
