ايماقتار • 27 شىلدە، 2021

شىمكەنتتىڭ قۇرىلىس سالاسى جاڭا دەڭگەيگە شىقپاق

78 رەت كورسەتىلدى

شىمكەنت قالاسىنىڭ اكىمى مۇرات ايتەنوۆ قالالىق قۇرىلىس باسقارماسىنىڭ جارتى جىلدىق ەسەبىن تىڭدادى، دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.

بيىل باسقارما تاراپىنان 113 قۇرىلىس جوباسى ىسكە اسىرىلۋدا. مەكەمە قىزمەتىنىڭ تيىمدىلىگىن باعالاۋ 8 ماقساتتى كورسەتكىشتەر بويىنشا جۇرگىزىلەدى.

جىل سوڭىنا دەيىن پايدالانۋعا بەرىلەتىن تۇرعىن ۇيلەردىڭ جالپى اۋماعىن 1 ملن. شارشى مەترگە جەتكىزۋ جوسپارلانۋدا. جاڭادان سالىنىپ جاتقان باسپانالاردىڭ ىشىندە 570 مىڭ شارشى مەترى – كوپ قاباتتى تۇرعىن ۇيلەر بولسا، 430 مىڭ شارشى مەترى – جەكە تۇرعىن ۇيلەردىڭ ۇلەسىندە. 

بىلتىر شىمكەنت قالاسىندا جەكە جانە كوپقاباتتى تۇرعىن ۇيلەر ساناتىنان 649،1 مىڭ شارشى مەتر تۇرعىن ءۇي سالىنعان بولاتىن. ءبىرىنشى جارتىجىلدىقتا 276،3 مىڭ شارشى مەتر تۇرعىن ءۇي پايدالانۋعا بەرىلدى. بىلتىرعى جىلدىڭ ءتيىستى كەزەڭىمەن سالىستىرعاندا بۇل كورسەتكىش 101،9 پايىزعا ارتقانىن بايقاۋعا بولادى.

ايتا كەتسەك،ء بىرىنشى جارتىجىلدىقتا نەگىزىنەن جەر قازۋ جۇمىستارى جۇرگىزىلەدى. قۇرىلىس قارقىنى جىلدىڭ ەكىنشى جارتىسىنان باستاپ ارتادى.

باسقارمانىڭ التى ايدا اتقارعان جۇمىستارى جونىندە ەسەپ بەرگەن باسقارما باسشىسىنىڭ مىندەتىن اتقارۋشى ب.كۇزدەۋباەۆتىڭ ايتۋىنشا، قۇرىلىس جۇمىستارى كولەمىنىڭ جىلدىق جوسپارى 135،6 ميلليارد تەڭگە بولىپ بەلگىلەنگەن. ءبىرىنشى جارتىجىلدىقتا اتقارىلعان قۇرىلىس كولەمى 50،1 ميلليارد تەڭگەگە جەتىپ، بىلتىرعى جىلدىڭ سايكەس كەزەڭىمەن سالىستىرعاندا ناقتى كولەم يندەكسى 115،6 پايىزدى قۇراعان.

جىل باسىنان «نۇرلى جەر» باعدارلاماسى بويىنشا 4832 پاتەرلى 79 كوپقاباتتى تۇرعىن ۇيلەردىڭ قۇرىلىستارى باستالعان. ونىڭ ىشىندە 1224 پاتەرلى 18 تۇرعىن ءۇي – ارەندالىق باسپانالار بولسا، 3608 پاتەرلى 61 ءۇيدىڭ كىلتتەرى – تۇرعىن ءۇي نەسيەسىن العاندارعا تابىستالماق.

جاڭادان سالىنعان نىساندارعا ينجەنەرلىك ينفراقۇرىلىم تارتۋ بويىنشا 15 جوبانى ىسكە اسىرۋ كوزدەلىپ، ونىڭ 6 نىسانى پايدالانۋعا بەرىلگەن.

ءبىلىم سالاسى بويىنشا 11 نىساننىڭ قۇرىلىسىنا قارجى قاراستىرىلعان. ونىڭ ىشىندە 4 مەكتەپتىڭ عيماراتى جاڭا وقى جىلىنا دەيىن ىسكە قوسىلادى دەپ كۇتىلۋدە. مادەنيەت جانە سپورت سالالارىندا 5 نىساننىڭ قۇرىلىستارى جوسپارلانىپ، ونىڭ ەكى نىسانى پايدالانۋعا بەرىلدى.

جوبا-سمەتالىق قۇجاتتامالار ازىرلەۋ بويىنشا ەكى مەديتسينالىق ۇيىم مەن سايرام تۇرعىن الابىندا ءورت ءسوندىرۋ دەپوسىنىڭ قۇرىلىستارىن جۇرگىزۋ جوسپارلانىپ، ىسكە اسىرىۋدا.

ەسەپ بارىسىندا باسقارمانىڭ اتقارعان جۇمىستارىن تالداعان مۇرات دۇيسەنبەك ۇلى قۇرىلىس قالانىڭ دامۋىنا ىقپال ەتەتىن ماڭىزدى سالا ەكەندىگىنە توقتالدى. قۇرىلىس جۇرگىزۋ قالا ەكونوميكاسىنىڭ دامۋىنا تۇتاستاي اسەر ەتىپ، بيزنەستىڭ قۇرىلىس نارىعىنا بەيىمدەلۋى جۇزەگە اساتىنىن، ونىڭ ىشىندە قۇرىلىس ماتەريالدارىنىڭ ءوندىرىسى قارقىن الاتىنىن اتاپ ءوتتى.

«قالانىڭ تىرشىلىگى جىلجىمايتىن م ۇلىك نارىعى ارقىلى ءوربيتىنى بەلگىلى. سوندىقتان-دا، قۇرىلىس جۇمىستارىن جوسپارلاۋ كەزەڭىندە ناقتىلىققا باسا نازار اۋدارۋ قاجەت. بۇل باعىتتا باسقارمانىڭ جوسپارلاۋ قىزمەتى قۇرىلىمىنىڭ جۇمىسىن جۇيەلەۋ كەرەك»، دەدى قالا اكىمى. 

مۇرات ايتەنوۆ اتقارىلىپ جاتقان جۇمىستاردى قاداعالاۋدى ۇتىمدى ۇيىمداستىرۋ كەرەكتىگىنە نازار اۋدارىپ، سالىنىپ جاتقان نىساندارعا ونلاين رەجيمدە ترانسلياتسيا جاساۋعا مۇمكىندىگى بار كامەرالار ورناتۋدى ۇسىندى.  وسىلايشا، قۇرىلىس باسقارماسى اتقارىلىپ جاتقان جۇمىستاردىڭ ساپاسىن كۇندەلىكتى باقىلاپ، وندىرىستىك كەستەنىڭ ساقتالۋىنا كەپىل بولماق. قۇرىلىس نىساندارىمەن تىكەلەي ەفيردە بايلانىسا وتىرىپ، جۇمىس جيىندارىن دا وتكىزۋگە بولاتىنىن اتاپ ءوتتى.

كەزدەسۋدى قورىتىندىلاي كەلە، قالا اكىمى پايدالانۋعا بەرىلگەن نىسانداردى تەڭگەرىمگە وتكىزۋ جونىندەگى جۇمىستاردى ەرەكشە باقىلاۋدا ۇستاۋدى تاپسىرىپ، ليفت شارۋاشىلىقتارى ءتيىستى تالاپتارمەن تەكسەرۋدەن ءوتىپ، رۇقسات قاعازدارى الىنبايىنشا، كوپقاباتتى تۇرعىن ۇيلەر مەملەكەتتىك قابىلداۋدان وتكىزىلمەۋى كەرەك دەپ ناقتى ايتتى.

سوڭعى جاڭالىقتار

ەڭبەكپەن ەسەيگەن ەر

قازاقستان • كەشە

بەيتانىس ساعىنىش

الەم • كەشە

جالعىزدىق ارالى

كينو • كەشە

ەلوردادا قار جاۋادى

قازاقستان • كەشە

بۇگىن ماشينا جاساۋ كۇنى

قازاقستان • كەشە

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار