كەلىسسوزدەر بارىسىندا تاراپتار قازاقستان – كۋبا ەكىجاقتى ىنتىماقتاستىعىن ودان ءارى دامىتۋدىڭ جاي-كۇيى مەن باسىمدىقتارىن تالقىلادى. كەزدەسۋ بارىسىندا تاراپتار ەلدەرىمىز اراسىنداعى ساياسي ديالوگتىڭ ۇدەمەلى سيپاتىن اتاپ ءوتتى.
ەلشى سۇحباتتاسۋشىسىن قازاقستاننىڭ اعىمداعى الەۋمەتتىك-ەكونوميكالىق دامۋىمەن تانىستىردى.
سونىمەن قاتار, ا. كامالدينوۆ ەكونوميكالىق ءوزارا ءىس-قيمىلدىڭ, ونىڭ ىشىندە فارماتسەۆتيكا جانە تۋريزم سالاسىنداعى پەرسپەكتيۆالىق باعىتتارىن بەلگىلەدى. پرەزيدەنت قاسىم-جومارت توقاەۆتىڭ باسشىلىعىمەن جۇرگىزىلىپ جاتقان قازاقستاننىڭ ساياسي جۇيەسىنىڭ رەفورمالارىنا ەرەكشە نازار اۋدارىلدى.
ءوز كەزەگىندە ءمينيستردىڭ ءبىرىنشى ورىنباسارى ەلشىنى ەلدەگى قازىرگى ساياسي جانە ەكونوميكالىق جاعدايمەن تانىستىردى. قازاقستاننىڭ كۋباعا قاتىستى بۇلجىماس ۇستانىمىن قاناعاتتانارلىقپەن اتاپ ءوتىپ, ديپلوماتيالىق ميسسيانىڭ مارتەبەسىن ەلشىلىك دەڭگەيىنە كوتەرگەنى ءۇشىن قازاقستان باسشىلىعىنا ريزاشىلىعىن ءبىلدىردى.
