«بىزدەگى رەانيماتسيالىق توسەكتەر 84%-عا تولدى. كوروناۆيرۋس ينفەكتسياسىنا قارسى ەكپە الماي, اۋىر كۇيدە جاتقان 248 پاتسيەنت بار. ونىڭ ىشىندە 77 ادامنىڭ جاعدايى وتە اۋىر. ناۋقاستاردىڭ باسى-قاسىندا جۇرگەندىكتەن بۇل كورسەتكىش قاتتى الاڭداتىپ وتىر. ءبىز وتكەن جىلعى ەڭ اۋىر كۇيگە جەتۋگە جاقىن قالدىق», دەيدى باسقارما باسشىسى.
تيمۋر مۇراتوۆتىڭ ايتۋىنشا اۋىر كۇيدە جاتقاندار اراسىندا قارت كىسىلەر عانا ەمەس 35 جاستاعى ناۋقاستار دا بار.
«ۆيرۋس جاڭا شتامدارعا مۋتاتسيالانىپ وتىرادى. اسىرەسە ولار جاستار اراسىندا ءجيى تىركەلۋدە. قازىر جاستار دا, ءتىپتى بالالار دا ينفەكتسيانىڭ اۋىر كۇيىنە ۇشىراي باستادى. ەكى-ءۇش كۇن ىشىندە پاتسيەنتتەردىڭ دەنساۋلىعى ناشارلاعانى سونشالىق, جاساندى تىنىس الۋ اپپاراتىنسىز ءومىر سۇرە المايتىن كۇيگە جەتەدى. رەانيماتسياداعى بارلىق پاتسيەنتتىڭ مۇنداي جاعدايعا ءتۇسۋىنىڭ سەبەبى – ۆاكتسينادان باس تارتۋ», دەپ ءتۇسىندىردى ت. مۇراتوۆ.
تيمۋر مۇراتوۆ قالا تۇرعىندارىن ۋاقىتىندا ۆاكتسيناتسيادان وتۋگە, وسى ارقىلى وزدەرىن ينفەكتسيا جۇقتىرۋدان قورعاۋعا شاقىردى.
«قۇرمەتتى ازاماتتار! ويلانىپ جانە كۇتىپ وتىراتىن ۋاقىت جوق! قازىر ۆاكتسيناتسيا الۋ وتە ماڭىزدى, ايتپەسە كەش بولۋى مۇمكىن. بىزگە, ياعني دارىگەرلەرگە, كۆي-گە بايلانىستى قايتىس بولعاندار ستاتيستيكاسىن جاريالاۋ, تۋىستارىنا جاقىنى كەلمەسكە كەتكەنىن ايتۋ وڭاي ەمەس. وتكەن جىلى ءبىز پاندەميانى جەڭۋدىڭ بارلىق جولىن ىزدەگەن ەدىك, ال قازىر قولىمىزدا بار, ول – ۆاكتسيناتسيا. وسى ارقىلى عانا ءبىز اۋرۋدىڭ قيىن كەزەڭىنەن شىعا الامىز», دەپ قورىتىندىلادى قالالىق دەنساۋلىق ساقتاۋ باسقارماسىنىڭ باسشىسى.
