مەملەكەت باسشىسى قاسىم-جومارت توقاەۆتىڭ 2020 جىلعى 1 قىركۇيەكتەگى قازاقستان حالقىنا جولداۋىندا 2 ملرد اعاش وتىرعىزۋدى قامتاماسىز ەتۋدى جانە وسى جۇمىستاردىڭ ورىندالۋ بارىسىن باقىلاۋ ءۇشىن ينتەراكتيۆتى كارتا ازىرلەۋدى تاپسىرعان بولاتىن. وسى تاپسىرمانى ىسكە اسىرۋ ماقساتىندا ەكولوگيا, گەولوگيا جانە تابيعي رەسۋرستار مينيسترلىگى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىمەن بىرلەسىپ ماسەلەنى پىسىقتادى.
«قازاقستان عارىش ساپارى» ۇلتتىق كومپانياسى» اق ەگترم ورمان شارۋاشىلىعى جانە جانۋارلار دۇنيەسى كوميتەتىنىڭ «قازاق ورمان ورنالاستىرۋ كاسىپورنى» رمقك تاپسىرىسى بويىنشا 2 ملرد اعاش وتىرعىزۋ جۇمىس بارىسىن مونيتورينگتەۋ ءۇشىن ينتەراكتيۆتى كارتاسىن ازىرلەۋدە.
جەردى قاشىقتىقتان زوندتاۋ نەگىزىندەگى ينتەراكتيۆتى كارتا حالىققا ءموبيلدى نۇسقادا دا قولجەتىمدى بولادى دەپ جوسپارلانۋدا. بارلىق مۇددەلى تۇلعالار, قوعامدىق ۇيىمدار جانە ەلىمىزدىڭ ءاربىر ازاماتى وسى جۇمىستى قاداعالاپ, ءوز ۇسىنىستارى مەن ەسكەرتۋلەرىن ۋاكىلەتتى ورگانعا جولداي الادى.
«ەگەمەن-اقپارات»
