الەم • 26 شىلدە، 2021

فرانتسۋزدار ەكپە الۋدى مىندەتتەۋگە قارسى

65 رەت كورسەتىلدى

فرانتسيانىڭ كو­­شە­لەرىنە شىق­قان مىڭداعان ادام مە­­دي­تسينالىق تەك­سەرۋدى ۇزار­­تۋعا جانە كەي­بىر ماماندىقتار ءۇشىن مىن­دەتتى ۆاك­­تسينا­لاۋعا قارسى ەكەندىكتەرىن ءبىل­دىرىپ، نارا­زىلىق اكتسياسىن ۇيىمداستىردى.

 

حالىق ۇكىمەتتىڭ مەيرامحانالارعا، بارلارعا جانە باسقا دا مادەني جانە دەمالىس ورىندارىنا كىرۋ ءۇشىن مەديتسينالىق تەكسەرۋدەن مىندەتتى تۇردە ءوتۋ تۋرالى شەشىمىنە قارسىلىق ءبىلدىردى.

مەديتسينالىق تەكسەرۋ ارقىلى ازاماتتىڭ تولىق ۆاكتسينالانعانى، 24 ساعات ىشىندە كوروناۆيرۋسقا قاتىستى ساراپتاماسى وڭ ناتيجە بەرمەگەنى نەمەسە الدىڭعى التى ايدا COVID-پەن اۋىرىپ، ەمدەلگەنى تۋرالى اقپارات جازىلعان انىقتاما بەرىلەدى. بۇل تالاپتى وتكەن اپتادا پرەزيدەنت ەممانۋەل ماكرون حالىقتىڭ ەكپە الۋىن جەدەلدەتۋ ماقساتىندا ەنگىزگەن. ويتكەنى ۇكىمەت ۆيرۋستىڭ تارالۋىنا توسقاۋىل قويا الماي وتىر.

وسى ۋاقىتتا لوندوندا دا جۇزدەگەن ادام ۆاكتسينا العاندارعا پاسپورت بەرۋ جوسپارلارىنا نارازىلىق ءبىلدىرىپ، قالا ورتالىعىنداعى ميتينگ­كە شىقتى.

ELABE BFMTV 13 شىلدەدە ساۋالداما جۇرگىزىپ، فرانتسۋزداردىڭ باسىم كوپشىلىگى (76%) پرەزيدەنت ەممانۋەل ما­كرون­­نىڭ ۆاك­تسينالاۋدى مەديتسينا قىز­مەتكەرلەرى، ءورت سوندىرۋشىلەر، قارت ادامدارمەن جۇمىس ىستەي­تىن­دەر مەن تاعى بىرنەشە ماماندىق يەلەرى ءۇشىن مىندەتتى ەتۋ، ال ەكپە الما­عان جاعدايدا ايىپ­پۇل سالۋ تۋرالى شەشىمىن قولدا­مايتىنىن حابار­لادى.

نارازىلىققا شىققاندار مۇنى الىپ تاستاۋدى تالاپ ەتتى.

دەنساۋلىق ساقتاۋ ءمينيسترى وليۆە ۆەران Le Parisien وقىر­ماندارىنا ىندەتتەن قۇتىلۋدىڭ جولى وسى دەگەن مالىمدەمە جاسادى.

فرانتسيانىڭ ونداعان قالاسى مەن ەلدى مەكەنىندە ميتينگىلەر ءوتىپ جاتىر. اتاپ ايتار بولساق، ۆالانستا، ليوندا، وسەردە، بۋرگ-ان-برەستە، گرەنوبلدە حالىق جاپپاي اكتسيالار ۇيىم­داستىرۋدا.

 

 

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

ۇقساس جاڭالىقتار