اقتوبە وبلىسىنداعى سايلاۋ پروتسەسى زاڭناماعا سايكەس ءوتتى. جەكسەنبى كۇنى اۋىلدىق وكرۋگتەردە وتكەن داۋىس بەرۋ پروتسەسىن 500-گە جۋىق بايقاۋشى مۇقيات قاداعالادى. سايلاۋ ۋچاسكەلەرىندە حالىقتىڭ جوعارى بەلسەندىلىگى بايقالدى. سونداي-اق سايلاۋدىڭ جوعارى دەڭگەيدە ۇيىمداستىرىلعانىن اتاپ وتكىم كەلەدى. ءبىرىنشى كەزەكتە ول ازاماتتاردىڭ قاۋىپسىزدىگىنە باعىتتالعان. بارلىق سايلاۋ ۋچاسكەسى سانيتارلىق قورعاۋ شارالارىمەن جابدىقتالعان.
ەلىمىز حالقىنىڭ 40%-دان استامى اۋىلدىق جەرلەردە تۇراتىنىن ەسكەرسەك, بۇل الداعى ساياسي دامۋعا ەرەكشە سەرپىن بەرەتىن جانە جەرگىلىكتى ءوزىن ءوزى باسقارۋدى دامىتۋعا باسقان قارىشتى قادام دەپ ەسەپتەيمىز. ونىڭ ۇستىنە, اۋىل تۇرعىندارىنىڭ سۇرانىستارى مەن قاجەتتىلىكتەرى قالا تۇرعىندارىنىڭ قاجەتتىلىكتەرىنەن وزگەشە. سوندىقتان دا ەل ىشىندە اۋىل ماسەلەسىن ءبىلىپ قانا قويماي, ولاردى شەشۋ جولدارىن بىلەتىن اكىمدەردى تۇرعىنداردىڭ وزدەرى تاڭداپ الۋى دۇرىس دەپ سانايمىن.
ەرادىل ءۇببىنيازوۆ,
«پارتيالىق ەمەس بايقاۋ ورتالىعى» رەسپۋبليكالىق قوعامدىق بىرلەستىگى وبلىستىق فيليالىنىڭ توراعاسى
اقتوبە وبلىسى
