سايلاۋ • 26 شىلدە، 2021

ازاماتتاردىڭ بەلسەندىلىگى ايقىن اڭعارىلدى

19 رەت كورسەتىلدى

ەلىمىزدە العاش رەت وتكىزىلگەن اۋىل اكىمدەرىن تىكەلەي سايلاۋ ناۋقانىندا جامبىل وبلىسىنان 38 اۋىلدىق وكرۋگ بويىنشا 122 كانديدات ۇسىنىلىپ، ونىڭ ىشىندە 116 ۇمىتكەر تىركەلگەن. سونداي-اق اكىمدەر سايلاۋىنا تۇسۋگە ءوتىنىش بىلدىرگەندەردىڭ 20 پايىزىن ايەل ازاماتتار قۇراپ وتىر.

ت.رىسقۇلوۆ اۋدانىنىڭ اباي، تەرەڭوزەك، جاڭاتۇرمىس، قوراعاتى، قاراقىستاق، اقىر­توبە، قايىڭدى جانە ورنەك اۋىلدىق وكرۋگتەرىندە 16 ساي­لاۋ ۋچاسكەسى جۇمىس ىستەپ تۇر. ناتيجەسىندە، اۋداندا 8 اۋىلدىق وكرۋگ اكىمىن سايلاۋعا اۋىل تۇرعىندارى بەلسەنە قاتىس­تى. ماسەلەن، قاراقىستاق اۋى­لىنىڭ تۇرعىنى، كامەلەت جاسىنا بيىل تولعان شاكارىم ابدى­مالىك ۇلى العاش رەت №349 سايلاۋ ۋچاسكەسىنە بارىپ، ءوز تاڭداۋىن جاسادى. سونداي-اق جاڭاتۇرمىس اۋىلىنىڭ 98 جاستاعى تۇرعىنى، ۇلى وتان سوعىسىنىڭ ارداگەرى شال­دان­باي شاڭباەۆ ءوز تاڭ­داۋىن جاساۋمەن قاتار، ۇمىت­كەرلەرگە اق باتاسىن دا بەردى.

جالپى، سايلاۋدا ت.رىسقۇ­لوۆ اۋدانى بويىنشا ءار اۋىل­دىق وكرۋگتەن 3 كانديداتتان، بارلىعى 24 كانديدات باق سىنادى. ونىڭ ىشىندە 9 كانديدات ءوزىن ءوزى ۇسىنۋ جولىمەن سايلاۋعا تۇسسە، 7 كانديدات Nur Otan پارتياسىنان جانە 8 كانديدات «اق جول» پارتيا­سىنان ۇسىنىلعان. بۇل سايلاۋ ناۋقانىنا 60 سەنىمدى وكىل تىركەلگەن. بايقاۋشىلار دا جۇمىس ىستەدى. جاڭاتۇرمىس اۋىل­دىق وكرۋگىندەگى №351 سايلاۋ ۋچاسكەسىنىڭ پارتيالىق ەمەس بايقاۋشىسى فەرۋزا اق­بۇزاۋوۆا سايلاۋدىڭ جوعارى دەڭگەيدە ءوتىپ جاتقانىن، داۋىس بەرۋگە حالىقتىڭ بەلسەندى تۇر­دە قاتىسقانىن ايتتى.

جامبىل اۋدانىنىڭ اسا، اقباستاۋ، ەرنازار، جامبىل جانە قاراتوبە اۋىلدىق وكرۋگ­تەرىندە اكىم سايلاۋى بولدى. اۋدان بويىنشا اۋماقتىق سايلاۋ كوميسسياسىنا بارلىعى 21 كانديدات قۇجاتتارىن وتكىزگەن. ونىڭ ىشىندە Nur Otan پارتيا­سىنان – 4، «ادال» پارتياسىنان – 1، «اۋىل» پارتياسىنان –1، «اق جول» پارتياسىنان – 2، قازاق­ستان حالىق پارتياسىنان 3 ازامات ۇسىنىلعان جانە 10 كانديدات ءوزىن ءوزى ۇسىنعان. ناتيجەسىندە، 15 كانديدات تىر­كەلگەن. ولارعا سەنىمدى وكىل مەن بايقاۋشى بولۋعا 44 ازامات ءوتى­نىش بىلدىرگەن. ول ازاماتتار اۋماقتىق سايلاۋ كوميسسياسىنان ءتيىستى كۋالىكتەرىن العان. سەنىمدى وكىل رەتىندە تىركەلگەن 44 ازاماتتىڭ بارلىعى دا ۆاكتسينا سالدىرعان.

«سايلاۋ كەزىندە داۋىس بەرۋشىلەردىڭ بەلسەندىلىگى جوعارى بولدى. مۇندا 2953 سايلاۋشى بار. قاراتوبە اۋىل­دىق وكرۋگىنە ءۇش ەلدى مە­كەن قارايدى. ساياسي ناۋ­قان كەزىندە 6 باقىلاۋشى جۇ­مىس اتقارۋدا. سايلاۋ ءوز دەڭ­گەيىندە، قالىپتى جاعدايدا وتۋدە. ءتۇرلى جاعدايلارعا باي­لا­نىس­تى 30 ادام ۇيىنەن داۋىس­ بەرۋگە ءوتىنىش بىلدىرگەن»، دەي­دى جامبىل اۋدانى قارا­توبە اۋىلدىق وكرۋگىنىڭ بەك­توبە ەلدى مەكەنىندەگى №162 ساي­لاۋ ۋچاسكەسىنىڭ تاۋەل­سىز باي­قاۋشىسى راۋشان تولەن­ديەۆا.

بايزاق اۋدانىندا سارى­كەمەر، ىنتىماق جانە كوكتال اۋىلدىق وكرۋگتەرىندە سايلاۋ وتكىزىلدى. سايلاۋ ۋچاسكەلەرى ءتيىستى كەڭسە تاۋارلارىمەن، جيھازدارمەن، تەلەفون جانە ينتەرنەت بايلانىسىمەن، تاكتيلدى جولاقتارمەن جانە وزگە دە قاجەتتىلىكتەرمەن قام­تاماسىز ەتىلگەن. سايلاۋ وتەتىن ورىندار تولىقتاي بەينەكامەرالارمەن جابدىقتالعان. سونداي-اق اۋدانداعى بارلىق سايلاۋ ۋچاسكەسى سانيتارلىق تالاپقا سايكەستەندىرىلگەن.

«اۋىل اكىمدەرىن سايلاۋ سارىكەمەر اۋىلىندا ءوز دەڭ­گەيىندە وتۋدە. اۋىل تۇر­عىندارى ءوز تاڭداۋىن لايىقتى جاسايدى دەپ سەنەمىز. بۇل باس­تاما­عا حالىقتىڭ كوزقاراسى جاق­سى»، دەيدى سارىكەمەر اۋى­لىن­داعى №126 سايلاۋ ۋچاس­كەسىنىڭ بايقاۋشىسى امانگەلدى تىلەپوۆ.

ال تالاس اۋدانىندا بوس­تاندىق، اققۇم، ويىق جانە قىزىلاۋىت اۋىلدىق وكرۋگتەرى بويىنشا سايلاۋ ءوتتى. ساياسي ناۋقان كەزىندە ساياسي پارتيالار دا بەلسەندىلىك تانىتتى. ماسەلەن، Nur Otan پارتياسىنان – 3، قازاقستان حالىق پارتياسىنان – 3، «اق جول» پارتيا­سىنان 2 ۇمىتكەر ۇسىنىلسا، 4 ادام ءوزىن ءوزى ۇسىنعان. ورتاشا باسەكەلەستىك ءبىر ورىنعا 3 ادام­نان اينالدى. جالپى، اۋدان بويىنشا 12 كانديدات تىركەل­گەن.

سونىمەن قاتار شۋ اۋدا­نىنداعى ءوندىرىس، قورا­عاتى، جاڭاقوعام اۋىلدىق وكرۋگ­تەرىندە 4 سايلاۋ ۋچاسكەسى جۇ­مىس ىستەدى. اۋداندا اۋىلدىق وكرۋگ­تەردىڭ اكىمدىگىنە 9 ۇمىت­كەر ۇسىنىلعان. بۇل سايلاۋ ناۋقانىنا 30 ادام سەنىمدى وكىل رەتىندە تىركەلگەن. سول سياق­تى، وبلىستىڭ وزگە دە اۋدان­دارىندا دا ساياسي ناۋقان ءوز دەڭگەيىندە ءوتتى.

 

جامبىل وبلىسى

 

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار