سايلاۋ • 26 شىلدە، 2021

جۇرت سەنىمى – ۇلكەن سىن

58 رەت كورسەتىلدى

كەشە قىزىلوردا وبلىسىنداعى 54 سايلاۋ ۋچاسكەسىندە تۇرعىندار اۋىل باسشىسىن تاڭداپ، داۋىس بەردى. وڭىردەگى 40 اۋىلدى باسقارماققا ءۇمىتتى 122 كانديداتتىڭ 47-ءسى ساياسي پارتيالاردان، قالعانى – ءوزىن-ءوزى ۇسىنعاندار. تۇسكە دەيىن ايماقتاعى 36 071 سايلاۋشىنىڭ 48،8 پايىزى تاڭداۋ جاساپ ۇلگىردى.

وبلىستاعى 6 وكرۋگ بويىنشا 2 كانديداتتان، 28 وكرۋگتە 3، 5 وكرۋگتە ءتورت، ال ءبىر وكرۋگتە 6 ۇمىتكەردەن تىركەلگەن. وبلىس ورتالىعىنا جاقىن سىرداريا اۋدانىنداعى 3 وكرۋگتە تۇرعىندار لايىقتى ۇمىتكەرگە داۋىس بەردى.

وسى اۋدانداعى سايلاۋ وتكەن 3 اۋىل­دىڭ ءبىرى – ناعي ءىلياسوۆ اتىن يەلە­­نگەن ىرگەلى ەلدى مەكەن. اۋىل شارۋا­­شىلىعى تۇرالاي باستاعان توق­سانىنشى جىلدارى قيىندىق تارتقان ەلدى مەكەن كەيىن جەرگىلىكتى ىسكەر ازامات­تاردىڭ جاناشىرلىعىنىڭ ارقاسىندا جاڭعىرىپ، اۋدان ورتالىقتارىمەن باسەكەگە تۇسەردەي كەيىپكە ەنگەن. گۇل­زارلار مەن ورتالىق الاڭداعى سۋبۇر­قاق، قالادا كەزدەسە بەرمەيتىن ساۋدا ۇيلەرى – بۇگىنگى اۋىل تۇرمىسىنىڭ اي­عا­عى. مۇنداعى الەۋمەتتىك نىسان­دار­دىڭ دا قاتارى تولىق. بيزنەس پەن بيلىك اراسىنداعى ارىپتەستىكتىڭ ارقا­سىندا اۋىلدا ستاديون،  جەرگىلىكتى اكىم­شىلىك عيماراتى سالىندى. قازىر اۋىل­داعىلاردىڭ دەنى وسىنداعى «ماعجان جانە ك» سەرىكتەستىگىندە ەڭبەك ەتەدى. مەم­لە­كەتتىك قولداۋدى ۇتىمدى پايدالانىپ، مال باسىن كوبەيتىپ جاتقاندار دا بار.  كەشەگى كۇنى اۋىلداعى 1 330 ساي­لاۋ­شى بولاشاقتا وسى ىرگەلى اۋىل­دىڭ تىزگىنىن ۇستايتىن ۇمىتكەردى تاڭدادى.

اۋىلداعى ەڭ العاشقى داۋىس بەرۋ­شىلەر ەگىستىك القاپتا ەڭبەك ەتىپ جاتقان ديقاندار بولىپتى. ەرتەرەك كەلگەن ولار سايلاۋ ۋچاسكەسىنىڭ اشىلۋىن كۇتىپ، سانيتارلىق تالاپتارعا ساي تاڭداۋىن جاساپ، جۇمىستارىنا جونەلىپتى.

سايلاۋ ۋچاسكەسىنىڭ توراعاسى ءىلياس انافياەۆ ساياسي جاڭعىرۋدىڭ جاڭا كەزەڭىنە تۇرعىنداردىڭ سەرگەك قاراپ وتىرعانىن ايتىپ ءوتتى.

 وسى كۇنى وبلىس بويىنشا 313 باي­قاۋ­شى سايلاۋ بارىسىن باقىلادى. سو­ل­ار­دىڭ ءبىرى – «سىر بولاشاعى» جاس مەملەكەتتىك قىزمەتشىلەر كلۋبى» قوعامدىق بىرلەستىگىنىڭ اتىنان قاتى­سىپ وتىرعان مۇرات قايمولداەۆ. ول تاڭنان باستاپ داۋىس بەرۋشىلەر قاتارى ۇزىلمەگەنىن ايتادى.

– تاڭداۋدىڭ اۋىل ەكونوميكاسىنا، ونى دامىتۋعا، ەلدىڭ بولاشاعىنا تىكەلەي قاتىسى بارىن جاقسى تۇسىنگەن سايلاۋشىلار ناۋقاننان شەت قالىپ جاتقان جوق. اسىرەسە، جاستاردىڭ بەلسەندىلىگى قاتتى بايقالادى.  سايلاۋ ۋچاسكەسىندە سانيتارلىق تالاپتىڭ ساقتالۋىنا دا قاتتى ءمان بەرىپ، كەلۋشىلەردى سول تالاپ­تارعا ساي قابىلداپ جاتقانىنا ءتانتى بولدىم، – دەيدى ول.

باتىر ەسىمىن يەلەنگەن اۋىلدا جۇمىس­سىز جۇرگەن جان جوقتىڭ قاسى. الەۋمەت­تىك ماسەلەلەردىڭ شەشىلۋىنە جەرگىلىكتى ىسكەر ازاماتتار قولداۋ كورسەتىپ وتىر.

دەگەنمەن دە وسىنداعى ەكى مىڭنان استام تۇرعىننىڭ تۇرمىسىن ءالى دە جاق­سارتىپ، كاسىپكەرلىكتى دامىتۋ باعى­تىندا اتقارىلار ءىس كوپ. جەرگىلىكتى تۇرعىندار ءۇش ۇمىتكەردىڭ اراسىنان وسى تالاپ ۇدە­سىنەن شىعىپ، ەل سەنىمىن ارقالاي الادى دەگەن ازاماتقا داۋىس بەردى.

 

قىزىلوردا وبلىسى   

 

سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار