سايلاۋ • 26 شىلدە، 2021

ساياسي ءىس-شارا مەرەكەلىك سيپاتتا ءوتتى

22 رەت كورسەتىلدى

باتىس قازاقستان وبلىسىندا 79 سايلاۋ ۋچاسكەسى جۇمىس ىستەپ، 31 اۋىلدىق وكرۋگتىڭ اكىمىن سايلاۋ وتكىزىلدى. ءبىز تەرەكتى اۋدانىنداعى 4 اۋىلدا بولعان سايلاۋ بارىسىمەن تانىستىق.

اۋدانداعى ەڭ ۇلكەن ەلدى مەكەن – پودستەپنوي اۋىلدىق وكرۋگى اۋماعىندا 10 370 ادام تۇ­رادى. 6 712 سايلاۋشى وكرۋگ اۋماع­ىنداعى 5 سايلاۋ ۋچاس­كە­سىن­­دە داۋىس بەردى. ءبىز اۋىلدىق مادە­نيەت ۇيىندە ورنالاسقان №384 سايلاۋ ۋچاسكەسىنە تاڭەر­تەڭگى 10.00. ساعات شاماسىندا بار­­دىق. مادەنيەت ءۇيى الدىن­دا ۇيىم­­داستىرىلعان اۋىل شارۋا­شى­لى­عى جارمەڭكەسى، الىستان ەستى­لەتىن قازاقى اۋەندەر بۇگىنگى ءىس-شا­راعا مەرەكەلىك سيپات بەرىپ تۇردى.

«2 197 سايلاۋشى بار تىزىمدە، قازىرگى ۋاقىتتا ءبىرىنشى رەت بولىپ جاتقان سايلاۋ عوي، كەلىپ جات­قان كىسىلەردىڭ كوڭىل-كۇيى جاق­سى. ۇلكەن كىسىلەر مەيرام سياق­تى كەلىپ، ءبىزدى قۇتتىقتاپ جا­تىر. كەنتتىڭ وزىندە 3 سايلاۋ بو­­لىم­­شەسى بار. حالىققا ريزا­مىز، كا­ران­تيندىك تالاپتاردى ءتۇ­سى­نىپ، ساق­تىق شارالارىن ساق­تا­عان. ءبىز­دىڭ سايلاۋ ۋچاسكەسى بو­يىن­­شا ەكى ساعاتتىڭ ىشىندە تىر­كەل­­گەن ساي­لاۋشىلاردىڭ 12 پا­يىزى دا­ۋىس بەردى»، دەيدى №384 ۋچاسكەلىك سايلاۋ كوميس­سيا­­سى­نىڭ توراعاسى گۇلايىم ساعىندىققىزى.

ءبىز كولىك تىرەگەن كەلەسى مەكەن – اقسۋات اۋىلى بولدى. وكرۋگتە جالپى سانى 2 967 ادام تۇرادى. وكرۋگ قۇرامىنا ورتالىقتان بولەك، ماگيسترالنوە، پويما، ايتيەۆ سەكىلدى شاعىن اۋىلدار كىرەدى. وبلىس ورتالىعىنا جاقىن، توپىراعى قۇنارلى، سۋلى-نۋلى جەردە ورنالاسقاندىقتان، حالىقتىڭ ءال-اۋقاتى جاقسى ەكەنى سەزىلىپ تۇر. وكرۋگتە ەڭبەككە جارامدى 1 355 ادامنىڭ 1 277-ءسى جۇ­مىسپەن قامتىلعان. وكرۋگ اۋما­عىندا ءونىمى كورشىلەس شەتەل­دەرگە دە شىعارىلاتىن اتاق­تى كۇن­باعىس مايى زاۋىتى جۇمىس ىستەپ تۇر. اۋىلدا 5 زاڭدى تۇلعا، 12 جەكە كاسىپكەر، 11 شارۋا قوجا­لىعى بار ەكەن.

«اۋىلدا تىركەلگەن 734 سايلاۋشىمىز بار. قازىرگى جاعدايعا قاراعاندا حالىقتىڭ بەلسەندىلىگى جامان ەمەس»، دەدى №352 سايلاۋ ۋچاسكەسىنىڭ توراعاسى ەرجان قۇرمانوۆ.

ءبىر قىزىعى، اقسۋات اۋىلى­نىڭ تىزگىنىن ۇستاۋعا نيەت بىلدىر­گەن ەكى ۇمىتكەر دە بۇرىن بۇل اۋىل­دا تۇرماعان، سىرتتان كەلگەن ازاماتتار ەكەن. پاندەميانىڭ ورشۋىنە بايلانىستى سايلاۋالدى ۇگىت-ناسيحات كەزەڭىندە ۇمىت­كەرلەر جيىن وتكىزە الماپتى. كوپ ءىس-شارا الەۋمەتتىك جەلىلەر ارقىلى وتكەن. وكرۋگتى ارالاپ، اۋىل اقساقالدارىمەن، بەلسەندى توپتارمەن كەزدەسكەن كەيبىر ۇمىتكەر ەلدىڭ ەسىندە قالىپتى.

«وسى پويما اۋىلىندا 1996 جىلدان بەرى تۇرامىن. بۇگىنگى سايلاۋ ۇيىمشىلدىقپەن ءوتىپ جاتقان سياقتى. ەكى كانديداتتىڭ بىرەۋىن جاقسى تانيمىن. اۋىلدى ارالاپ، كەلىپ جۇرگەندە اڭگىمەسىن تىڭداپ ەدىم. قولىنان ءىس كەلە­تىن، لايىقتى جىگىت سياقتى. داۋى­سىمدى سوعان بەردىم»، دەيدى 71 جاستاعى قابي بەكتەنوۆ.

بايقاعانىمىز، وكرۋگ اۋما­عىندا ۇيالى بايلانىس، ءموبيل­دى ينتەرنەت ساپاسى جاقسارتۋ­دى قاجەتسىنىپ تۇر ەكەن. ماگيست­رال­­نىي مەن ايتيەۆ اۋىلدارى­نا كىرەبەرىس جولدارعا جوندەۋ قاجەت. ەستۋىمىزشە، بۇل ەكى اۋىل­دىڭ كىرەبەرىس جولىن جوندەۋگە قا­جەتتى 140 ملن تەڭگەگە بيۋد­جەت­تىك ءوتىنىم جولدانعان كورى­نەدى. پويما اۋىلىنداعى باستاۋىش مەكتەپ عيماراتى دا كوزگە قوراشتاۋ كورىندى. مۇنىڭ ءبارىن ەل تاڭداعان اۋىل اكىمى اۋدان باسشىلارىنىڭ الدىنا قويىپ، ماسەلەنى وڭىنان شەشسە كەرەك.

– جەرگىلىكتى ۋاقىتپەن تۇسكى ساعات 11.00.-دە باتىس قازاق­ستان وب­لىسى بو­يىنشا سايلاۋشى­لار­دىڭ 29 پايىزى داۋىس بەردى، – دەپ حابارلادى باتىس قازاق­ستان وبلىستىق سايلاۋ كوميس­سياسى­نىڭ توراعاسى عايسا قاپاقوۆ.

وڭىردەگى 31 اۋىلدىق وكرۋگ اكىمىنىڭ ورنىنا بارلىعى 81 كانديدات تىركەلگەن بولاتىن. سونىڭ ىشىندە 39 كانديداتتى پارتيالار ۇسىنسا، 42-ءسى – ءوزىن ءوزى ۇسىنعان ازاماتتار ەكەن.

«سايلاۋ بارىسىندا 11 ادام ويىنان اينىپ، ءوز كانديداتۋراسىن الىپ تاستادى. بۇگىن ساعات 7-دە سايلاۋ ءوتۋى ءتيىس 79 بولىمشە ەسىگى ايقارا اشىلدى، 488 كوميسسيا مۇشەسى كارانتين تالاپتارىن ساقتاپ، حالىققا ءوز تاڭداۋىن جاساۋعا كومەك كورسەتىپ جاتىر. سايلاۋ ۋچاسكەلەرىندە 184 ادام بايقاۋشى بولىپ تىركەلگەن. ونىڭ 79-ى – كانديداتتاردىڭ سەنىمدى وكىلى بولسا، 62 ادام – قوعامدىق ۇيىمداردان، 43 ادام – ساياسي پارتيالار تاراپىنان جىبەرىلگەن بايقاۋشىلار»، دەدى عايسا قاپاقوۆ.

كۇندىزگى ساعات 11-دەگى مالىمەت بويىن­شا اقجايىق اۋدانىندا – سايلاۋ­شى­لاردىڭ 16 پايىزى، بوكەيوردا اۋدانىندا – 29 پايىز، بورلىدە – 23، بايتەرەك اۋدانىندا – 34، جاڭاقالادا – 33، قازتالوۆ اۋدانىندا – 39، قارا­توبەدە – 34، سىرىمدا – 41، تەرەكتى اۋدانىندا – سايلاۋشىلاردىڭ 27 پايىزى داۋىس بەرگەن. جالپى وبلىس بويىنشا – 29 پايىز سايلاۋشى تاڭداۋىن جاساعان.

ايتا كەتەيىك، سايلاۋ ۋچاسكە­لەرىندەگى قوعامدىق ءتارتىپ پەن كاران­­تيندىك تالاپتاردىڭ ساقتا­لۋىن قاداعالاپ، 130-داي پوليتسيا قىزمەتكەرى كەزەكشىلىك جاسا­دى. باتىس قازاقستان وبلىس­تىق سانيتارلىق-ەپيدەميو­لو­گيالىق باقىلاۋ دەپارتامەنتىنىڭ باسشىسى مۇحامعالي ارىسپاەۆ پەن وبلىستىق پوليتسيا دە­پار­­­تا­مەنتى جەرگىلىكتى پولي­تسيا قىزمەتى باسقارماسى باستى­عى­نىڭ ورىنباسارى، پولي­تسيا پود­پو­لكوۆنيگى ەرنار سۇلتان­عاليەۆتىڭ ايتۋىنشا، سايلاۋ كەزىندە زاڭبۇزۋشىلىق وقيعا تىركەلمەگەن.

 

باتىس قازاقستان  وبلىسى

 

سوڭعى جاڭالىقتار

الماتى ماڭىندا جەر سىلكىندى

ايماقتار • بۇگىن، 09:35

كوروناۆيرۋستان 9 ادام قايتىس بولدى

قازاقستان • بۇگىن، 09:28

الماتى وبلىسى «قىزىل» ايماققا ءوتتى

كوروناۆيرۋس • بۇگىن، 09:15

سپورت جاڭالىقتارىنا شولۋ

سپورت • بۇگىن، 09:07

ساراننىڭ ۇزىن ساكىسى

قازاقستان • بۇگىن، 09:05

كوبەلەكتەر كورمەسى

ونەر • بۇگىن، 09:04

قارسىلاستار انىقتالدى

سپورت • بۇگىن، 08:59

ءجاۋدىر انا

تانىم • بۇگىن، 08:56

فيزيكالىق ۋران قورىنا قاتىسادى

ەكونوميكا • بۇگىن، 08:46

543 ملرد تەڭگەنىڭ ءونىمى ءوندىرىلدى

ەكونوميكا • بۇگىن، 08:44

باسقا باسىلىمدارعا شولۋ

الەم • بۇگىن، 08:41

ءۇش جىلدىق بيۋدجەت ماقۇلداندى

ساياسات • بۇگىن، 08:25

اقىل الىبى

رۋحانيات • كەشە

شىعىستانۋدىڭ بيىك شىنارى

ايەل الەمى • كەشە

بەيقامدىق بەلەڭ الىپ تۇر

كوروناۆيرۋس • كەشە

ۇلكەن قالادا اداسۋ

رۋحانيات • كەشە

ۇقساس جاڭالىقتار