ەل پرەزيدەنتى «تاۋەلسىزدىك بارىنەن قىمبات» باعدارلامالىق ماقالاسىندا: «ساياسي رەفورما ءبىر كۇننىڭ نەمەسە ءبىر جىلدىڭ شارۋاسى ەمەس. مۇنى ەل ىرگەسىن شايقالتپاي, بەرەكە-بىرلىگىن بۇزباي, بايىپپەن جانە بىرتىندەپ ىسكە اسىرۋىمىز كەرەك», دەپ قاداي ايتقانىنداي, العاشقى بولىپ وڭىرلەردەگى 730 اۋداندىق ماڭىزى بار قالا, اۋىل, كەنت جانە اۋىلدىق وكرۋگ تۇرعىندارى جەرگىلىكتى سايلاۋ ۋچاسكەلەرىنە ۇيىمشىلدىقپەن كەلىپ, وزدەرىنىڭ كونستيتۋتسيالىق قۇقىعىن ىسكە اسىردى. ولاردىڭ ەلدى مەكەن باسشىسىن تىكەلەي سايلاپ قانا قويماي, ونى بالامالى نەگىزدە تاڭداۋىنا مۇمكىندىك بەرىلدى. مۇنىڭ ءوزى وڭىرلەردەگى ساياسي بەلسەندىلىكتى ەلەۋلى تۇردە ارتتىرىپ, حالىقتىڭ مەملەكەت باسشىسىنىڭ ساياسي رەفورمالارىنىڭ ءبىرى ءھام بىرەگەيى بولىپ سانالاتىن دەموكراتيالىق دامۋ جولىنداعى ماڭىزى زور قادامدى جان-جاقتى قولداپ وتىرعاندىعىن كورسەتتى. اكىمدىككە كانديدات بولىپ تىركەلگەن 2297 ۇمىتكەردىڭ 1419-ى نەمەسە 61,8 پايىزى ءوزىن ءوزى ۇسىنعان, ال 878-ءى (38,2 پايىز) ەلىمىزدەگى بارلىق 6 ساياسي پارتيا ۇسىنعان ازاماتتار ەكەندىگى – سونىڭ ايعاعى.
اۋىل اكىمدەرى سايلاۋىنىڭ ءادىل وتۋىنە مۇددەلى ازاماتتار, قوعامدىق بىرلەستىكتەر مەن ساياسي پارتيالاردىڭ وكىلدەرى داۋىس بەرۋ ۇدەرىسىنە بايقاۋشىلار رەتىندە قاتىسىپ, سايلاۋ زاڭناماسى تالاپتارىنىڭ بۇلجىتپاي ساقتالۋىن قاداعالادى.
بۇل ەلىمىزدىڭ قوعامدىق-ساياسي ومىرىندەگى بەتبۇرىستى بەلەس ەكەندىگى ءسوزسىز.
