ايماقتار • 25 شىلدە، 2021

باتىس قازاقستان: 900 ادام ءوز ۇيىندە داۋىس بەردى

22 رەت كورسەتىلدى

باتىس قازاقستان وبلىسىنىڭ 31 اۋىلدىق وكرۋگىندە اۋىل اكىمدەرىنىڭ سايلاۋى بەلسەندى ءجۇرىپ جاتىر. جەرگىلىكتى ۋاقىتپەن 17.00 ساعاتتا سايلاۋشىلاردىڭ 70 پايىزعا جۋىعى ءوز تاڭداۋىن جاساعان دەپ حابارلايدى Egemen.kz.

«سايلاۋ كوميسسيالارى ۇسىنعان دەرەكتەرگە قاراعاندا 2021 جىلعى 25 شىلدەدەگى ساعات 17.00-دەگى جاعداي بويىنشا سايلاۋ بيۋللەتەندەرىن تىزىمگە ەنگىزىلگەن سايلاۋشىلاردىڭ 69،2%-ى الدى. سونىڭ ىشىندە: اقجايىق اۋدانى – 77،9%; بايتەرەك اۋدانى – 83،3%; ءبورلى اۋدانى – 68،1%; بوكەي ورداسى اۋدانى – 77،4%; جاڭاقالا اۋدانى – 68،7%; كازتالوۆ اۋدانى – 76،1%; قاراتوبە اۋدانى – 68،9%; سىرىم اۋدانى – 82،4%; تەرەكتى اۋدانى – 56،4%»، دەپ حابارلادى باتىس قازاقستان وبلىستىق سايلاۋ كوميسسياسىنىڭ توراعاسى عايسا قاپاقوۆ.

ەپيدەميولوگيالىق كۇردەلى جاعدايعا بايلانىستى وقشاۋلانعان جاندار جانە قارتتار مەن مۇگەدەكتەر داۋىس بەرۋى ءۇشىن جىلجىمالى سايلاۋ جاشىكتەرى ۇيىمداستىرىلعان بولاتىن. جەرگىلىكتى ۋچاسكەلىك سايلاۋ كوميسسيالارىنىڭ مۇشەلەرى وسىنداي 1300-دەي ادامعا ارنايى بارىپ، تاڭداۋ جاساۋ مۇمكىندىگىن جاساۋدى جوسپارلاعان. بارلىق كارانتين تالاپتارى ساقتالعان وسىنداي ءىس-شارا ناتيجەسىندە قازىردىڭ وزىندە 900-دەن اسا ادام داۋىس بەرگەنى حابارلانىپ جاتىر.

ايتا كەتەيىك، باتىس قازاقستان وبلىسىندا 31 اۋىلدىق وكرۋگ اكىمىنىڭ ورنىنا بارلىعى 81 كانديدات باق سىناپ، سايلاۋعا تۇسكەن.

سوڭعى جاڭالىقتار

ەڭبەكپەن ەسەيگەن ەر

قازاقستان • كەشە

بەيتانىس ساعىنىش

الەم • كەشە

جالعىزدىق ارالى

كينو • كەشە

ەلوردادا قار جاۋادى

قازاقستان • كەشە

بۇگىن ماشينا جاساۋ كۇنى

قازاقستان • كەشە

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار