سپورت • 25 شىلدە، 2021

بارسەلونا وليمپياداسىنا - 29 جىل!

42 رەت كورسەتىلدى

بۇگىن ححV جازعى وليمپيا ويىندارىنىڭ باستالعانىنا تۋرا 29 جىل تولدى. ايتۋلى جارىس 25 شىلدە مەن 9 تامىز ارالىعىندا يسپانيانىڭ بارسەلونا قالاسىندا وتكەن ەدى.

پيرەنەي تۇبەگىندە الاۋى تۇتانعان ءدۇبىرلى دودا بۇرىندارى كسرو-نىڭ قول استىندا بولعان «باۋىرلاس» رەسپۋبليكالاردىڭ وكىلدەرى سوڭعى رەت ءبىر كوماندانىڭ تۋدىڭ استىندا باس قوسىپ، تمد قۇراماسىنىڭ ساپىندا ونەر كورسەتتى. سوعان قاراماستان ولار سول جارىستا 112 (45 التىن+38 كۇمىس+29 قولا) مەدالدى يەلەنىپ، جالپى كوماندالىق ەسەپتە كەزەكتى رەت كوش باستادى. اقش (37+34+37) ەكىنشى ورىندى يەلەنسە، گەرمانيا (33+21+28) ۇزدىك ۇشتىكتى قورىتىندىلادى.

تمد قۇراماسىنىڭ بيىك تۇعىردان كورىنۋىنە قازاقستاننىڭ دا سپورتشىلارى دا وزىندىك ۇلەس قوستى. سولاردىڭ اراسىنان التىننان القا تاعىنعان باسكەتبولشى يرينا گەرليتس، كۇمىسپەن كۇپتەلگەن ۆولەيبولشى ەلەنا چەبۋكينا مەن تاتيانا مەنشوۆا جانە قولا مەدالدى مويىندارىنا ىلگەن گرەك-ريم كۇرەسى شەبەرى داۋلەت تۇرلىحانوۆ پەن سىرىقپەن سەكىرۋشى گريگوري ەگوروۆتى بولە-جارا اتاۋعا بولادى.

ال بارسەلونا وليمپياداسىنىڭ ناعىز قاھارمانى ۆيتالي ششەربو ەكەنى داۋسىز. سپورتتىق گيمناستيكانى سەرىك ەتكەن 20 جاستاعى بەلارۋس ەلىنىڭ وكىلى ءوزى بايراقتى باسەكە بارىسىندا التى رەت التىن تۇعىردان قول بۇلعادى. 

سوڭعى جاڭالىقتار

ەڭبەكپەن ەسەيگەن ەر

قازاقستان • كەشە

بەيتانىس ساعىنىش

الەم • كەشە

جالعىزدىق ارالى

كينو • كەشە

ەلوردادا قار جاۋادى

قازاقستان • كەشە

بۇگىن ماشينا جاساۋ كۇنى

قازاقستان • كەشە

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار