پرەزيدەنت • 24 شىلدە، 2021

قاسىم-جومارت توقاەۆ وزبەكستان پرەزيدەنتىمەن تەلەفون ارقىلى سويلەستى

38 رەت كورسەتىلدى

مەملەكەت باسشىسى قاسىم-جومارت توقاەۆ وزبەكستان پرەزيدەنتى شاۆكات ميرزيوەۆپەن تەلەفون ارقىلى سويلەستى، دەپ حابارلايدى Egemen.kz اقورداعا سىلتەمە جاساپ.

مەملەكەت باسشىلارى ەكى ەل اراسىنداعى ساۋدا-ەكونوميكالىق ىنتىماقتاستىق ماسەلەلەرىنە ەرەكشە نازار اۋدارىپ تالقىلادى. بيىلعى بەس ايدىڭ ىشىندە ەكىجاقتى ساۋدا كولەمى 46 پايىزعا ارتقان. ينۆەستيتسيالىق، كولىك-لوگيستيكالىق جوبالار جۇزەگە اسىرىلىپ، جاڭا اۆياتسيالىق باعىتتار اشىلۋدا.

قازاقستان مەن وزبەكستان حالىقارالىق، وڭىرلىك الاڭداردا ءبىر-بىرىمەن تىعىز بايلانىس جاسايدى. قاسىم-جومارت توقاەۆ جۋىردا تاشكەنتتە وتكەن ورتالىق ازيا جانە وڭتۇستىك ازيا ەلدەرى اراسىنداعى ىنتىماقتاستىق ماسەلەلەرى جونىندەگى حالىقارالىق كونفەرەنتسيانىڭ قورىتىندىلارىنا جوعارى باعا بەردى.

ەكى ەل باسشىلارى اۋعانستانداعى جاعدايدى جانە ونىڭ وڭىرلىك قاۋىپسىزدىك ءۇشىن ىقتيمال سالدارىن جان-جاقتى تالقىعا سالدى. قاسىم-جومارت توقاەۆ پەن شاۆكات ميرزيوەۆ اتالعان پروبلەما بويىنشا ورتاق تۇسىنىك بار ەكەنىن اتاپ ءوتتى.

مەملەكەت باسشىسى وزبەكستان پرەزيدەنتىنىڭ قازاقستانعا جاسايتىن الداعى رەسمي ساپارى ەكى ەل اراسىنداعى ىنتىماقتاستىقتى ودان ءارى نىعايتۋعا مۇمكىندىك بەرەتىنىن ايتتى.

سونىمەن قاتار قاسىم-جومارت توقاەۆ شاۆكات ميرزيوەۆتى تۋعان كۇنىمەن قۇتتىقتاپ، وزبەك حالقىنىڭ مويىندالعان كوشباسشىسىنا زور دەنساۋلىق، قۇت-بەرەكە جانە باۋىرلاس وزبەكستان حالقىنىڭ يگىلىگى جولىنداعى قىزمەتىنە تابىس تىلەدى.

سوڭعى جاڭالىقتار

زاڭ ءبىلىمىنىڭ ساپاسى قارالدى

پارلامەنت • بۇگىن، 08:10

شەرحاننىڭ شامىرقانىسى

ادەبيەت • كەشە

مەيىرىم ءپالساپاسى

رۋحانيات • كەشە

تۋريستەر تورگە وزسا...

ايماقتار • كەشە

ورالحاننىڭ وبرازى

ادەبيەت • كەشە

اۋەزوۆتىڭ عادەتى

ادەبيەت • كەشە

ۇقساس جاڭالىقتار