مادەنيەت جانە سپورت ۆيتسە-ءمينيسترى نۇرعيسا داۋەشوۆ جۋرناليستەرمەن كەزدەسكەن كەزدە مادەنيەت جانە سپورت ءمينيسترى اقتوتى رايىمقۇلوۆا ءفيلمنىڭ رەجيسسەرى قىزمەتىنە مارقۇم رەجيسسەر ساتىبالدى نارىمبەتوۆتىڭ ۇلى اسقار-مۇحيت نارىمبەتوۆتىڭ كانديداتۋراسىن ۇسىنعانىن, ساتىبالدى نارىمبەتوۆ مۇراسى اياقتالۋى كەرەك ەكەنىن ايتتى.
ستسەناري اۆتورلارىنىڭ ءبىرى نۇرلان سانجار بىزبەن اڭگىمەسىندە اسقار مۇحيتتىڭ اكەلەرى باستاپ كەتكەن ءىستى جالعاستىرا الاتىنىن, تەك ساتتىلىك تىلەيتىنىن ايتتى. نۇرلان سانجار ناقتىلاپ وتكەندەي, باستى كەيىپكەر ادولف يانۋشكەۆيچ كەنەسارى حاننىڭ زامانداسى, قازاقتىڭ سوڭعى حانىمەن كەزدەسكەن, پىكىر الماسقان, ۇزەڭگىلەس سەرىگى بولعان. «كينوجوبادا حان كەنەنىڭ ءومىرىنىڭ سوڭعى جىلدارىن كورسەتەتەتىن كورىنىستەر بار. دەمەك, بۇل جوبا دا حان كەنەنى تۇسىرۋگە دايىندىقتىڭ باسى بولاتىن», دەيدى نۇرلان سانجار.
ايتپاقشى, ساتىبالدى اعا وسىعان دەيىن ءبىزدىڭ گازەتىمىزگە بەرگەن سۇحباتىندا بۇل جوباعا ۇلكەن ءۇمىت ارتاتىنىن ايتقا. وسى سۇحباتتىڭ شەڭبەرىنە سىيماي قالعان اڭگىمەسىندە ادولف يانۋشكەۆيچ تۋرالى كارتينا تۇسىرگىسى كەلەتىنىن, ونىڭ وت ۇكىمىمەن ول سىبىرگە جەر اۋدارىلدى, قازاق دالاسىندا بولعانىن اىگىمەلەپ بەرگەن ەدى. «ايداۋدا ول كۇندەلىكتەر جۇرگىزدى, اناسى مەن اعاسىنا حات جازدى. كەڭەس جىلدارىندا پروفەسسور فاينا ستەكلوۆا قازمۋ-دە جۇمىس ىستەدى. پراگا كىتاپحاناسىندا ول يانۋشكەۆيچتىڭ بۇرىن تاريحشىلارعا بەلگىسىز بولعان كۇندەلىكتەرىن كەزدەستىردى. ولاردى پولياك تىلىنەن ورىس تىلىنە ستەكلوۆا اۋدارعان. وسى كىتاپتى وقىپ تاڭعالدىق. ادولف يانۋشكەۆيچ ەرەكشە ادام جانە ءبىزدىڭ دالا ءومىرىنىڭ, قازاقتاردىڭ داستۇرلەرىنىڭ تاماشا اڭگىمەشىسى بولدى. ول قازاقستاندى جاڭا وتانىم دەپ تانىدى, قازاق اراسىندا بولا وتىرىپ, حالىق شىعارماشىلىعى, ءان, ايتىس, ءداستۇر تۋرالى سۇيىسپەنشىلىكپەن جازادى» دەگەن بولاتىن.
مارقۇمنىڭ ەكىنشى ۇلى ەسكەندىر نارىمبەتوۆتەر اۋلەتى اتىنا ايتىلىپ جاتقان جۇرەك جاردى لەبىزدەر مەن ونىڭ ۇلدارىنا كورسەتىلگەن سەنىم العىس ايتتى, ءفيلمنىڭ شىعارماشىلىق توبى جۇمىستى باستاپ كەتۋگە دايىن ەكەنىن جەتكىزدى.
كەزدەسۋ ناتيجەسىندە اسقار-مۇحيت نارىمبەتوۆتىڭ كانديداتۋراسى ءبىراۋىزدان قولداۋ تاپتى. ساتىبالدى نارىمبەتوۆتىڭ ۇلى اسقار-مۇحيت كورەرمەندەرگە سەنىم بىلدىرگەنى ءۇشىن العىسىن ءبىلدىرىپ, قولداعى بارلىق ماتەريالداردى زەرتتەپ جاتقانىن جانە دۇيسەنبى, 2021 جىلدىڭ 26 شىلدەسىنە دەيىن كينوستۋديا باسشىلىعىنا ءوز ۇسىنىسىن جىبەرەتىنىن ايتتى.
ەسكە سالايىق, رەجيسسەر ساتىبالدى نارىمبەتوۆتىڭ پولياك جازۋشىسى, جەر اۋدارىلعان رەۆوليۋتسيونەر جانە دالا ەتنوگرافيالىق قۇندىلىقتارىن جيناۋشى ادولف يانۋشكەۆيچتىڭ تاعدىرى تۋرالى باياندايتىن «ۇزاق جاڭعىرىق» ءفيلمى 2019 جىلدىڭ اقپان ايىنىڭ باسىندا وندىرىسكە جىبەرىلگەن بولاتىن.
2020 جىلى ناۋرىزدا قازاقستان رەسپۋبليكاسى مادەنيەت جانە سپورت مينيسترلىگى مەن «قازاقفيلم» كينوستۋدياسى اراسىندا كەلىسىمگە قول قويىلدى, وعان سايكەس قالعان سومانىڭ 30% (399 074 000 تەڭگە) - 119 722 200 تەڭگە ءوندىرىستى جالعاستىرۋ ءۇشىن ءبولىندى «ۇزاق جاڭعىرىق» ءفيلمى. الايدا 2020 جىلى ەلىمىزدە جاريالانعان كوروناۆيرۋستىق پاندەميا مەن كارانتيندىك رەجيم ءتۇسىرىلىم پروتسەسىنە ءوز تۇزەتۋلەرىن ەنگىزدى. سونداي-اق, جاعداي اۆتورلاردىڭ يدەياسى بويىنشا فيلمدەردى تەك قازاقستاندا عانا ەمەس, سونىمەن قاتار ۆەنگريادا ءتۇسىرۋ كەرەك بولاتىندىعىمەن قيىندادى. وكىنىشكە وراي, سول كەزدە بۇكىل الەمدە ورىن العان وتە قاۋىپتى جاعدايعا بايلانىستى بۇل مۇمكىن بولمادى.
2021 جىلى «قازاقفيلم» اق ش.ايمانوۆا مادەنيەت جانە سپورت مينيسترلىگىنە 399 074 000 تەڭگەنىڭ تولىقمەتراجدى كوركەم ءفيلمىن ءتۇسىرۋ ءۇشىن قوسىمشا ءوتىنىم بەردى. قولدانىستاعى زاڭناما تالاپتارىنا سايكەس, بۇرىن قايتارىلعان قاراجاتتى الۋ ءۇشىن ءتيىستى راسىمدەردى, ونىڭ ىشىندە رەسپۋبليكالىق بيۋدجەتتىك كوميسسيانىڭ ماقۇلداۋىن وتكىزۋ قاجەت. وسىعان بايلانىستى «ۇزاق جاڭعىرىق» ءفيلمىن قارجىلاندىرۋ ماسەلەسى 2021 جىلعا ارنالعان رەسپۋبليكالىق بيۋدجەتتى ناقتىلاۋ كەزىندە رەسپۋبليكالىق بيۋدجەتتىك كوميسسياعا ۇسىنىلىپ, قولداۋ تاپتى.
ادولف يانۋشكەۆيچتىڭ باستى رولىنە اكتەر, پولشا رەسپۋبليكاسىنىڭ تۇرعىنى پەتر پولاك بەكىتىلدى.
