تاعايىنداۋ • 23 شىلدە، 2021

باتىس قازاقستان وبلىسى اكىمىنىڭ ورىنباسارى تاعايىندالدى

2066 رەت كورسەتىلدى

باتىس قازاقستان وبلىستىق اكىمدىگىندە كادرلىق وزگەرىستەر بولدى. وبلىس اكىمىنىڭ قۇرىلىس، كولىك جانە اۆتوموبيل جولدارى، ەنەرگەتيكا جانە تۇرعىنۇي-كوممۋنالدىق شارۋاشىلىق ماسەلەلەرىنە جەتەكشىلىك ەتەتىن ورىنباسارى جاڭادان تاعايىندالدى دەپ حابارلايدى Egemen.kz.

«قازاقستان رەسپۋبليكاسى پرەزيدەنتى اكىمشىلىگى كەلىسىمىمەن جانە اكىمنىڭ وكىمىمەن باتىس قازاقستان وبلىسى اكىمىنىڭ ورىنباسارى بولىپ مەڭدىعاليەۆ تەمىرحان جالعاس ۇلى تاعايىندالدى» دەلىنگەن وبلىس اكىمىنىڭ ءباسپاسوز قىزمەتى تاراتقان حابارلامادا.

جاڭا ورىنباسار 1973 جىلى تۋعان، وسى وبلىستىڭ تۋماسى. باتىس قازاقستان اۋىل شارۋاشىلىعى ينستيتۋتىن، ماسكەۋ اۆتوموبيل-جول ينستيتۋتىن «ينجەنەر»، «ينجەنەر-مەحانيك» ماماندىقتارى بويىنشا تامامداعان. ءار جىلدارى ورال قالاسىنداعى «مەتالليست» زاۋىتىندا – توكار، «ورالاۆتوجول» كاسىپورىندا باس جەتەكشى، باس مامان، «قازاقاۆتوجول» رمكك باتىس قازاقستان وبلىستىق فيليالىنىڭ ءبولىم باستىعى، قازاقستان رەسپۋبليكاسى كولىك جانە كوممۋنيكاتسيالار مينيسترلىگى اۆتوموبيل جولدارى كوميتەتى باتىس قازاقستان وبلىستىق اۆتوموبيل جولدارى باسقارماسىندا جاۋاپتى قىزمەتتەر اتقارعان. قازاقستان رەسپۋبليكاسى كولىك جانە كوممۋنيكاتسيالار مينيسترلىگى اۆتوموبيل جولدارى كوميتەتى توراعاسىنىڭ ورىنباسارى، «قازاۆتوجول» ۇلتتىق كومپانياسى» اق باسقارماتوراعاسىنىڭ ورىنباسارى بولعان. 2020 جىلدان ورالعا كەلگەنگە دەيىن «ۇلتتىق جول اكتيۆتەرى ساپاسى ورتالىعى» رمك مەملەكەتتىك ەسەپكە الۋ دەپارتامەنتىنىڭ ديرەكتورى قىزمەتىن اتقارعان.

سونداي-اق بۇگىن 2019 جىلدان بەرى باتىس قازاقستان وبلىسى اكىمىنىڭ ءبىرىنشى ورىنباسارى قىزمەتىن اتقارىپ كەلگەن مانكەەۆ مۇحتاردىڭ «باسقا قىزمەتكە اۋىسۋىنا بايلانىستى» لاۋازىمىنان بوساعانى حابارلاندى. كەيبىر دەرەكتەرگە قاراعاندا ول نۇر-سۇلتان قالاسىنا، سامۇرىق-قازىنا ۇلتتىق ءال-اۋقات قورىنا اۋىسقان.

سوڭعى جاڭالىقتار

دوللار قىمباتتادى

قارجى • بۇگىن، 15:52

ۇقساس جاڭالىقتار