فوتولاردى تۇسىرگەن تۇرار قازانعاپوۆ, سالي سابيروۆ, قازاقستان ۇوك
XXXII جازعى وليمپيادا ويىندارىنىڭ اشىلۋ سالتاناتى كورەرمەنسىز وتۋدە.
سپورتشىلارىمىزدى بوكستان ۇلتتىق قۇرامانىڭ كاپيتانى قامشىبەك قوڭقاباەۆ پەن وليمپيادا چەمپيونى, جەڭىل اتلەت ولگا رىپاكوۆا باستاپ شىقتى.
توكيو-2020 وليمپياداسىنىڭ اشىلۋ سالتاناتىنداعى قازاقستاندىق تۋ ۇستاۋشىلاردىڭ كوستيۋمدەرى ۇلتتىق وليمپيادا كوميتەتىنىڭ تاپسىرىسى بويىنشا ارنايى جاسالعان. جۇمىسقا ءابىلحان قاستەەۆ اتىنداعى مەملەكەتتىك ونەر مۋزەيىنىڭ ماماندارى قاتىسىپ, ايگىلى الماتىلىق سانگەر ۆيولەتتا يۆانوۆا ديزاينمەن جانە تىگىنشىلىكپەن اينالىسقان.
«ولگا ەكەۋمىز ەسكيزدەردى كورىپ, جۇمىس بارىسىنا قاتىستىق, ماعان كوستيۋم ۇنادى, بۇل ەرەكشە ەنەرگيا مەن ماعىناعا يە كيىم. ونى كيگەندە, ءوزىڭدى ناعىز باتىر سەزىنەسىڭ», دەيدى بوكستان ۇلتتىق قۇرامانىڭ كاپيتانى قامشىبەك قوڭقاباەۆ.
«كوستيۋمدەر بىرەگەي, زاماناۋي جانە سونىمەن قاتار ءداستۇرلى. بۇل بىلىكتى قولونەرشىلەر جاساعان جوعارى ءساندى بۇيىمدار, ولاردىڭ كەرەمەت جۇمىستارى ءۇشىن مەنىڭ العىسىم شەكسىز», دەپ اتاپ ءوتتى ولگا رىپاكوۆا.
سپورتشىلارىمىزعا ساتتىلىك تىلەيمىز!
