الەم • 23 شىلدە، 2021

رۋمىنيادا قۇرمانعازىنىڭ ءبيۋستى ورناتىلاتىن بولدى

128 رەت كورسەتىلدى

رۋمىنيا پارلامەنتى سەناتىنىڭ ءتورايىمى انكا دراگۋمەن قازاقستان ەلشىسى نۇرباح رۇستەموۆتى قابىلدادى. تاراپتار ەكىجاقتى بايلانىستاردىڭ جاي-كۇيى مەن كەلەشەگىن تالقىلاپ، پارلامەنتارالىق بايلانىستاردىڭ دامۋ دەڭگەيىنىڭ جوعارى ەكەندىگىن اتاپ ءوتتى، دەپ حابارلايدى Egemen.kz قر ءسىم ءباسپاسوز قىزمەتىنە سىلتەمە جاساپ.

ا. دراگۋ ەلشىلىكتىڭ باستامالارىن تولىق قولدايتىنىن جانە ولاردى جۇزەگە اسىرۋعا، سونداي-اق ەكىجاقتى فورماتتاعى، اسىرەسە ساۋدا-ەكونوميكالىق سالاداعى باسقا دا جوبالارعا قاتىسۋعا قىزىعۋشىلىق ءبىلدىردى. ول قازاقستان تاراپىنا رۋمىنيانىڭ ۇلى اقىنى ميحاي ەمينەسكۋدىڭ جاقىن ارادا نۇر-سۇلتاندا اشىلۋى جوسپارلانعان ءبيۋستىن ورناتۋ تۋرالى شەشىمى ءۇشىن شىنايى ريزاشىلىعىن ءبىلدىردى.

سەنات ءتورايىمى بۇل ماڭىزدى مادەني وقيعانى ەلىمىزدىڭ تاۋەلسىزدىگىنىڭ 30 جىلدىعىنا وراي بۋحارەستتە «قازاقستان» سكۆەرىنىڭ اشىلۋىمەن بىرگە ەكى حالىق اراسىنداعى دوستىقتىڭ جارقىن كورىنىسى رەتىندە قاراستىراتىنىن ايتتى.

تاراپتار سونداي-اق رۋمىنيادا قازاقتىڭ ۇلى كومپوزيتورى قۇرمانعازى ساعىرباي ۇلىنىڭ جانە قازاقستاندا ۇلى رۋمىن كومپوزيتورى دجوردجە ەنەسكۋدىڭ ءبيۋستىن اشۋعا ارنالعان ءىس-شارالاردى تالقىلادى.

ۇقساس جاڭالىقتار