«ال جىل باسىنان بەرى وبلىس جولدارىندا كولىك قۇرالدارىن ماساڭ كۇيدە باسقارعان 117 جۇرگىزۋشى انىقتالدى», دەيدى وبلىستىق پوليتسيا دەپارتامەنتى باستىعىنىڭ ءبىرىنشى ورىنباسارى پوليتسيا پولكوۆنيگى قانات ايتباەۆ. ال «قاۋىپسىز جول» پروفيلاكتيكالىق ءىس-شاراسىنىڭ ماقساتى – جول-كولىك وقيعالارىنىڭ قاۋپىن تومەندەتۋ. جىل باسىنان بەرى وبلىستا 80 جول-كولىك وقيعاسى تىركەلگەن. سونىڭ سالدارىنان 12 ادام قازا تاۋىپ, 99 كىسى جاراقات العان. 11 جول-كولىك وقيعاسىنا ماس جۇرگىزۋشىلەر كىنالى بولىپ, ولاردىڭ كەسىرىنەن 2 ادام كوز جۇمىپ, 15 ادام جاراقاتتانعان.
وسى جەدەل-پروفيلاكتيكالىق ءىس-شارا اياقتالعان كۇننىڭ ەرتەڭىنە پەتروپاۆل قالاسىنىڭ پاترۋلدىك پوليتسيا باتالونىنىڭ قىزمەتكەرلەرى نۇرسۇلتان نازارباەۆ كوشەسىندە جول ەرەجەسىن بۇزعان «Audi» اۆتوكولىگىمەن كەلە جاتقان 23 جاستاعى جۇرگىزۋشىنى توقتاتقان. جىگىتتەن الكوگول ءيىسى اڭقىپ تۇرعان. مەديتسينالىق كۋالاندىرۋ ونىڭ ورتا دەڭگەيدەگى ماس ەكەنىن كورسەتكەن. سول كۇنى سوت شەشىمىمەن ءتارتىپ بۇزۋشىعا 15 تاۋلىككە اكىمشىلىك قاماۋعا الۋ جازاسى تاعايىندالدى. بۇدان بولەك ول الداعى 7 جىلدا كولىك جۇرگىزۋ قۇقىعىنان ايىرىلدى.
الايدا كولىك جۇرگىزۋ قۇقىعىنان ايىرىلعان ادامداردىڭ زاڭسىز رۋلگە وتىرۋ فاكتىلەرى دە ازايماي وتىر. ماسەلەن, 11 شىلدەدە پەتروپاۆلداعى شۋحوۆ كوشەسىندە پاترۋلدىك پوليتسيا باتالونىنىڭ قىزمەتكەرلەرى «ۆاز-2114» كولىگىمەن كەلە جاتقان ماساڭ كۇيدەگى 33 جاستاعى قالا تۇرعىنىن توقتاتقان. دەرەكتەر بازاسىنا قاراعاندا, ول جۇرگىزۋشىلىك كۋالىگىنەن ايىرىلعان ازامات ەكەن, ال قازىر قولىنداعى قۇجاتى باسقا ادامدىكى بولىپ شىققان. بۇل زاڭ بۇزۋشىلىققا بايلانىستى جالعان قۇجات جاساۋ قىلمىسى بويىنشا دا ءىس قوزعالدى. اتالعان فاكتى قىلمىستىق كودەكستىڭ 385-بابى – «جالعان قۇجاتتاردى, ءمورتابانداردى, مورلەردi, بلانكىلەردى, مەملەكەتتiك پوشتا تولەمى بەلگىلەرىن, مەملەكەتتiك ناگرادالاردى قولدان جاساۋ, دايىنداۋ نەمەسە وتكiزۋ» بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى. سونىمەن قاتار ماساڭ كۇيدە كولىك باسقارعانى ءۇشىن سوت شەشىمىمەن قۇقىق بۇزۋشىعا 20 تاۋلىككە اكىمشىلىك قاماققا الۋ تۇرىندەگى جازا تاعايىندالدى. مىنگەن كولىگى ارنايى تۇراققا قويىلدى.
«قاۋىپسىز جول» جەدەل-پروفيلاكتيكالىق ءىس-شاراسىنىڭ 10 كۇنىندە جول قوزعالىسى ءتارتىبىن بۇزۋدىڭ 4,5 مىڭنان استام دەرەگى انىقتالعان. جول قوزعالىسى قاۋىپسىزدىگىنە قاۋىپ توندىرەتىن ورەسكەل بۇزۋشىلىقتاردىڭ اراسىندا مانەۆر جاساۋ ەرەجەلەرىنىڭ 131 بۇزۋشىلىعى, باعدارشامنىڭ تىيىم سالىنعان بەلگىسىنە ءوتىپ كەتۋدىڭ 72 فاكتىسى جانە ءدال سونشاما اپاتتىق جاعداي تۋدىرۋ فاكتىسى, سونداي-اق جىلدامدىقتى اسىرۋدىڭ 389 فاكتىسى انىقتالعان.
سولتۇستىك قازاقستان وبلىسى
