رەكتور گۇلزادا شاكۋليكوۆانىڭ ايتۋىنشا, ۋنيۆەرسيتەتكە «ينجەنەريا جانە ينجەنەرلىك ءىس», «وندىرىستىك جانە وڭدەۋ سالالارى» ماماندىعىنا ءبىلىم بەرۋ قىزمەتىن جۇزەگە اسىرۋعا ليتسەنزيا بەرىلىپ وتىر.
«رhD دوكتورلاردى دايارلاۋ ۋنيۆەرسيتەتتىڭ عىلىمي-زەرتتەۋ ينفراقۇرىلىمى بازاسىندا ىسكە اسادى. ءبىزدىڭ ۋنيۆەرسيتەتتە ءبىلىم العان PhD دوكتورانتتارى ديسسەرتاتسيالىق زەرتتەۋ جۇمىسىن دايىنداۋ ءۇشىن پولشا, فرانتسيا, وڭتۇستىك-شىعىس ازيا, اقش سەكىلدى شەتەلدەردەگى جوعارى وقۋ ورىندارىندا ءبىلىم الۋ مۇمكىندىگىنە يە بولادى. قازىر ءبىلىم بەرۋ ەكوجۇيەسىندە مۇناي-حيميا ينجەنەرياسى جانە ەكولوگيا ينستيتۋتىنداعى زەرتتەۋ بەيىنىندەگى 15 زەرتحانا, «ەمبىمۇنايگاز» اق قولداۋىمەن سالىنىپ جاتقان وقۋ-وندىرىستىك الاڭى بار. مۇندا ءبىزدىڭ ستۋدەنتتەر, ماگيسترانتتار مەن دوكتورانتتار جەر قويناۋىن بارلاۋدان باستاپ مۇناي ونىمدەرىن وڭدەۋگە دەيىنگى بارلىق جۇمىستى جۇزەگە اسىرا الادى», دەيدى ۋنيۆەرسيتەتتىڭ باسقارما توراعاسى-رەكتور گۇلزادا شاكۋليكوۆا.
سونداي-اق اتالعان وقۋ ورنىندا جۇمىس بەرۋشىلەر مەن ەڭبەك نارىعىنداعى سۇرانىستارعا سايكەس, جاڭا وقۋ جىلىندا بۇرىن بولماعان باعدارلامالار ىسكە قوسىلعالى وتىر. سونىڭ قاتارىندا «ماشينا جاساۋ تەحنولوگياسى», «اقپاراتتىق قاۋىپسىزدىك», «مۇناي ماركەتينگى جانە مۇناي تاسىمالداۋ» ماماندىقتارى بار. ال, «اۆتوماتتاندىرۋ جانە باسقارۋ», ء«ومىر تىرشىلىك قاۋىپسىزدىگى جانە قورشاعان ورتانى قورعاۋ» باعىتىندا ماگيستراتۋرا باعدارلاماسى اشىلدى.
