ايماقتار • 22 شىلدە، 2021

قاراعاندىدا 1،5 ميلليارد تەڭگەگە سالىنعان مەكتەپ جارامسىز بولىپ شىقتى

1147 رەت كورسەتىلدى

قاراعاندىدا كورۋ قابىلەتى بۇزىلعان بالالارعا ارنالعان جاڭا مەكتەپ وقۋشىلار مەن مۇعالىمدەر ءۇشىن قاۋىپتى بولىپ شىقتى، دەپ حابارلايدى Egemen.kz استانا تەلەارناسىنا سىلتەمە جاساپ.

4 جىل بۇرىن عانا سالىنعان ءبىلىم ورداسىنىڭ توبەلەرىندە جارىقشاق پايدا بولىپ، بەتوننىڭ قورعانىش قاباتى قۇلاعان.

مەكتەپتى سالۋعا بيۋدجەتتەن 1،5 ميلليارد تەڭگە جۇمسالعان كورىنەدى.

«پاندەمياعا بايلانىستى بالالاردىڭ ونلاينعا كوشۋى، توتەنشە جاعدايلاردان ساقتاپ وتىر»، دەيدى ماماندار.

ساباق ونلاين رەجىمدە جۇرگىزىلگەندىكتەن، ەمتيحاندى ۋاقىتىندا وتكىزىپ، قابىرعالارىن، شاتىرى مەن ەدەندەرىن تولىعىمەن تەكسەرۋگە مۇمكىندىك تۋعان. 

«عيماراتتىڭ شاتىرى قاۋىپتى جاعدايدا. عيماراتتا ۇلكەن جارىقشاق انىقتالدى. ول بالالاردىڭ ءومىرى مەن دەنساۋلىعىنا جانە بارلىق جەكە قۇرامعا قاۋىپ توندىرەدى. ەڭ باستىسى – مەكتەپ عيماراتىنا كىرۋگە تىيىم سالاتىن سوت شەشىمى»، دەيدى قاراعاندى وبلىسى ءبىلىم ءبولىمىنىڭ باس مامانى ليۋدميلا گاۆريلەنكو.

ءۇش جىلعا ارنالعان اقىسىز جوندەۋدىڭ كەپىلدىك مەرزىمى اياقتالدى. بىراق قۇرىلىسشىلار قارجىلىق جاۋاپكەرشىلىككە تارتىلاتىنىن ايتتى ءبىلىم بولىمىندەگىلەر. سونىمەن قاتار مەكتەپ باسشىلىعى شۇعىل تۇردە 100 وقۋشى مەن 113 مۇعالىمگە ارنالعان جاڭا عيمارات ىزدەۋدە. بالالار ساباققا كۇردەلى جوندەۋدەن كەيىن عانا ورالادى.

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار