ايماقتار • 21 شىلدە، 2021

تۇركىستاندا ەكوبازار جۇمىسىن باستادى

831 رەت كورسەتىلدى

ەكوبازار – ءداستۇرلى اۋىلشارۋاشىلىق نارىعىنىڭ جانە زاماناۋي جايلى ساۋدا ورتالىعىنىڭ ارتىقشىلىقتارىن بىرىكتىرەتىن جاڭا فورماتتاعى فەرمەرلەر بازارى بولادى، دەپ جازادى Egemen.kz.

كولەمى 14 گەكتار جەرگە ورنالاسقان  بازاردا 3 مىڭعا جۋىق ساۋدا ورىنى اشىلادى. اتاپ ايتقاندا: 900 ورىن-ازىق-ت ۇلىككە، 1500 ورىن - كيىم-كەشەككە، 500 ورىن - تۇرمىستىق تۇتىنۋ تاۋارلارىنا ارنايى جابدىقتالىپ،  جيھازدارعا 1000 شارشى مەتر ورىن دايىندالدى. جالپى جاڭا نىساننىڭ قۇرىلىس الاڭى 5 گەكتارعا  جۋىق.

زاماناۋي ەكوبازاردا ديقاندار ءوز ءونىمىنىن ءبىر قولدان، دەلدالدارسىز، تىكەلەي ساتۋ مۇمكىندىگىنە يە. ول ءۇشىن قاجەتتى جاعداي تولىقتاي جاسالىپ، جازدا سالقىن، قىستا جىلى تەمپەراتۋرالىق رەجيم قامتاماسىز ەتىلەدى.

ەكوبازاردىڭ قۇرىلىسى بارلىق سانيتارلىق نورمالارعا سايكەس، توبەسى جابىق، جەڭىل اۆتوكولىكتەر مەن جۇك اۆتوكولىكتەرىنىڭ ەركىن كىرىپ-شىعۋىنا ارنالعان كەڭ جولدار اشىلىپ، ارقايسىسىنا بولەك اۆتوتۇراقتار ۇيىمداستىرىلۋدا.  

ەڭ باستىسى، ەكوبازار بارلىق ازىق-ت ۇلىك تاۋارلارى كوتەرمە باعامەن ساتىلاتىن ەڭ ءىرى ساۋدا ورنىنا اينالادى. بۇل ديقاندار ءۇشىن تاۋارىن جىلدام وتكىزۋگە، ازىق-ت ۇلىكتىڭ ساپاسىن ساقتاۋعا، تاسىمالداۋمەن بايلانىستى شىعىندى ازايتۋعا وتە قولايلى بولماق. وسىعان وراي، بازاردا ساۋدا ورىندارىنان بولەك، توڭازىتقىش ورناتىلعان 200 قويما ورىنى كۇزدە جيناعان ءونىمدى كەلەسى ماۋسىمعا دەيىن حالىققا ارزان باعامەن ساتۋعا مۇمكىندىك بەرەدى.

بازاردا حالىققا ءتيىمدى باعادا ازىق-ت ۇلىك ۇسىنۋدى قامتاماسىز ەتۋ ءۇشىن اۋىل شارۋاشىلىعى تاۋار وندىرۋشىلەرىنە وبلىس اكىمدىگى مەن «تۇركىستان» الەۋمەتتىك-كاسىپكەرلىك كورپوراتسياسى اكتسيونەرلىك قوعامىنىڭ ۇيىمداستىرۋىمەن 2-3 پايىزدىق جەڭىلدەتىلگەن نەسيە بەرۋ ۇيىمداستىرىلۋدا.

بۇل بازاردا سيىر، قوي، جىلقى ەتتەرى مەن ەت ونىمدەرىن ساتۋعا ۇلكەن ءمان بەرىلمەك. مۇندا ەتتەن دايىندالعان شۇجىقتار، تۇزدى-ىستالعان ونىمدەر جانە كونسەرۆىلەر، قازى، قارتا سىندى ونىمدەردىڭ بارلىق تۇرلەرى بولادى.

وسى تۇستا ەرەكشە ايتا كەتەرلىك جايت، سوڭعى جىلدارى ءىرى قارا مال ەتىن وندىرۋدە جانە ەكسپورتتاۋدا تۇركىستان وبلىسى ەلىمىزدە كوش باستاپ كەلەدى. ءوڭىرىمىزدىڭ ەت ونىمدەرى قىتاي، وزبەكستان، رەسەي، يران ەلدەرىندە، سونداي-اق بىرىككەن اراب امىرلىكتەرىندە جوعارى سۇرانىسقا يە بولىپ وتىر. ال، قاۋىنعا دەگەن سۇرانىستا گەرمانيا 1-ءشى ورىندا تۇر.

اتالعان كورسەتكىش، ءبىزدىڭ ەلىمىزدىڭ ازىق-ت ۇلىگىنىڭ جوعارى ساپالى، ەكولوگيالىق تازا ەكەندىگىنىڭ ءبىر كورسەتكىشى دەپ ايتۋعا بولادى. ارينە، ەكوبازار شەتەلدەرگە دە تاۋارلاردى ەكسپورتتايتىن بولادى.

اتالعان ماقساتتا، ەكوبازاردا كاسىپكەرلەر، تۋريستەر، ءونىم وندىرۋشىلەرمەن جانە شەتەلدەرمەن بايلانىس ورناتۋ ءۇشىن ارنايى «كەڭسە» اشىلىپ، وندا زاڭگەرلەر، اۋديتورلار، ماماندار، كاسىپكەرلەر جۇمىس جاسايتىن بولادى. كەڭسەدە الەمدىك نارىققا تۇراقتى تۇردە مونيتورينگ جۇرگىزىلىپ، تاۋار وندىرۋشىلەرگە، تاۋاردى ساتىپ الۋشىلارعا، سونىڭ ىشىندە شەتەلدىك ساتىپ الۋشىلارعا ءتيىستى كەڭەستەر بەرىلەدى جانە شەتەلدەرگە تاۋارلاردى ەكسپورتتاۋ،  ونىمدەردى جەتكىزۋ ماسەلەلەرى بويىنشا كەلىسىم-شارتقا وتىرۋ سىندى پروتسەدۋرالار جۇرگىزىلەدى. سونىمەن قوسا، تۋريستەر دە وزدەرىن قىزىقتىراتىن ماسەلەلەرى بويىنشا ءتيىستى  اقپاراتتار الا الادى.

ەكوبازاردا تەك ەت ونىمدەرى ەمەس، ازىق-ت ۇلىك تاۋارلارىنىڭ بارلىق تۇرلەرى بولادى.

اسىرەسە، تۇركىستان ءوڭىرىنىڭ كەپتىرىلگەن جەمىستەرى اركەز ەلىمىزدە جوعارى باعالانىپ، ەرەكشە سۇرانىسقا يە بولىپ كەلەدى. سوندىقتان، بۇل بازاردا تاماق ونەركاسىبىندە كەڭ قولدانىسقا يە كەپتىرىلگەن جەمىستەر مەن كوكونىستەردىڭ ءتۇر-ءتۇرى ساتىلادى. ويتكەنى، كەپتىرىلگەن ازىق-ت ۇلىك ءتۇرى مەزگىلارالىق جەمىس تاپشىلىعى كەزىندە حالىقتى جەمىس-جيدەك ونىمدەرىمەن ۇزدىكسىز جانە ۋاقتىلى قامتاماسىز ەتۋدە قولايلى.

ەكوبازاردىڭ تاعى ءبىر ەرەكشەلىگى، مۇندا ازىق-ت ۇلىكتەردەن بولەك، وندىرىستىك تاۋارلاردى، ءتىپتى ءۇي جيھازدارىن دا ءتيىمدى باعامەن ساتىپ الۋعا مۇمكىندىك تۋادى.

مۇندا ەلىمىزدەگى مىقتى تاۋار وندىرۋشىلەرگە ارنالعان ورىندار جانە ساۋدا قاتارلارىنداعى بارلىق ونىمدەر كورمەگە ورناتىلعانداي ەرەكشە كورىكپەن، تۋريستەر ءۇشىن كەلىپ تاماشالاۋعا ىڭعايلى ەتىپ قويىلادى.

سونىمەن قاتار، مۇندا بارلىق اۋدان، قالالاردىڭ جارمەڭكەلەرى ءوتىپ، ءوز ونىمدەرىن وتكىزۋگە تاپتىرماس ورىن بولماق.

بارلىعىمىزعا بەلگىلى، بۇگىندە ديقاندار ءوز ونىمدەرىن «ەكىنشى، ءۇشىنشى قولدار» ارقىلى تىم ارزان باعامەن ساۋدالاۋدا، ال اراداعى الىپ ساتۋشىلار ءوزارا كەلىسكەن تۇردە ازىق-ت ۇلىك باعاسىن جاساندى كوتەرىپ جاتادى.

جالپى باعانى تۇراقتاندىرۋ ءۇشىن وندىرىلگەن ءونىمدى ءوندىرۋشىنىڭ حالىققا تىكەلەي ۇسىنۋىنا قولايلى جاعدايلار جاساۋ قاجەت. سول سەبەپتەن دە، تۇركىستان قالاسىندا وسىنداي اۋقىمدى ەكوبازاردىڭ ىسكە قوسىلۋىن باعانى تۇراقتاندىرۋعا جانە ازىق-ت ۇلىك قاۋىپسىزدىگىن قامتاماسىز ەتۋگە ۇلەسى زور دەپ ايتۋعا بولادى.

ەكوبازار قالانىڭ ماقتانىشى بولىپ، تۇرعىنداردىڭ تۇرمىس-تىرلىگىن دە بايقاتاتىن حالىق ەڭ كوپ شوعىرلانعان تاماشا ورىننىڭ ءبىرى بولادى دەپ كۇتىلۋدە.

«ەكوبازار» امبەباپ ساۋدا ورتالىعىندا تۇركىستان وبلىسى اۋىل شارۋاشىلىعى ونىمدەرىنىڭ العاشقى جارمەڭكەسىندە ورداباسى، وتىرار، سايرام، شاردارا، كەلەس، بايدىبەك، سارىاعاش اۋداندارى مەن ارىس قالاسىنىڭ 30-دان استام ءتاۋاروندىرۋشىنىڭ 20 توننادان اسا ءونىمى شىعارىلدى.

جالپى، تۇركىستان وبلىسى مەن تۇركىستان قالاسى اكىمىدىگىنىڭ ۇيىمداستىرۋىمەن وتكەن جارمەڭكە اياسىندا ونىمدەر 10-15 پايىز تومەن باعادا ساتىلدى. الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ ماقساتىندا وتكەن جارمەڭكە اپتا سايىن جالعاساتىن بولادى.

جالپى، شىعىس حالىقتارىندا بازارعا قاتىس­تى «كيەلى ورىن» دەگەن تۇسىنىك بار. بازار دەگەن قالا جۇرتشىلىعىنىڭ تەك ساۋدا-ساتتىق ەمەس، ساۋىق-سايران قۇراتىن، دەمالىپ، كوڭىل كوتەرەتىن ورنى بولىپ كەلدى.

وسى ورايدا، كيەلى شاھاردىڭ تۋريستىك الەۋەتىن ارتتىرۋ ماقساتىندا ەكوبازار قالاعا كورىك بەرەتىندەي ساۋلەتتى دە ءساندى، تىنىسى كەڭ، زاڭعار بيىك بولىپ سالىنۋدا.

مۇندا بالالارعا ارنالعان ويىن-ساۋىق ورتالىعى، بانكتەر، فۋد-كورتتار، سانيتارلىق قىزمەت ورىندارى سىندى تۇرعىنداردىڭ ءومىرى مەن دەنساۋلىعىنا، ەڭبەك ەتۋىنە قولايلى ورىنداردىڭ بارلىعى بولادى.

جالپى، بۇل جوبا ءوڭىر ەكونوميكاسىن دامىتۋعا ەلەۋلى ۇلەس قوسىپ، جاڭا جۇمىس ورىندارى اشىلادى. سول سەبەپتەن تاياۋدا ىسكە قوسىلعان ەكوبازار ىڭعايلى ءارى ءتيىمدى كوپفۋنكتسيونالدى ساۋدا ورنى بولعالى تۇر.

سوڭعى جاڭالىقتار

15169 ادام كوروناۆيرۋس جۇقتىردى

كوروناۆيرۋس • بۇگىن، 09:17

ۇقساس جاڭالىقتار