وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا قاراعاندا, 12-18 شىلدە ارالىعىندا ۇستالعان 13 جۇرگىزۋشى اكىمشىلىك جاۋاپكەرشىلىككە تارتىلعان.
«پاترۋلدىك پوليتسيا قىزمەتكەرلەرى 17 شىلدەدە تۇنگى ساعات 23:30 شاماسىندا «وپەل استرا» ماركالى اۆتوكولىگىن توقتاتتى. تەكسەرۋ كەزىندە 1988 جىلى تۋعان جۇرگىزۋشىدەن ىشىمدىكتىڭ ءيىسى بايقالعان. مەديتسينالىق ساراپتامانىڭ كورىتىندىسىمەن جۇرگىزۋشىنىڭ جەڭىل دارەجەدەگى ماس ەكەنى انىقتالدى. اتالعان ازاماتقا قاتىستى قر اكىمشىلىك قۇقىقبۇزۋشىلىق تۋرالى كودەكسىنىڭ 608-بابىمەن (جۇرگىزۋشىنىڭ كولىك قۇرالىن الكوگولدىك, ەسىرتكىلىك جانە (نەمەسە) ۋىتقۇمارلىق ماساڭ كۇيدە باسقارۋى, سول سياقتى كولىك قۇرالىن الكوگولدىك, ەسىرتكىلىك جانە (نەمەسە) ۋىتقۇمارلىق ماساڭ كۇيدەگى ادامنىڭ باسقارعانى ءۇشىن) اكىمشىلىك حاتتاما تولتىرىلدى. كولىك جۇرگىزۋشىسى سوت شەشىمىمەن 7 جىلعا جۇرگىزۋشى قۇقىعىنان ايىرىلىپ, 15 تاۋلىككە اكىمشىلىك قاماققا الىندى», دەپ حابارلادى دەپارتامەنتتىڭ ءباسپاسوز قىزمەتى.
سونداي-اق, 18 شىلدەدە ساعات 21:20 شاماسىندا 50 جاستاعى جۇرگىزۋشىنىڭ الكوگولدىك ىشىمدىك ءىشىپ, «لادا لارگۋس» ماركالى اۆتوكولىگىن باسقارعانى انىقتالدى. بۇل ازامات تا سوت شەشىمىمەن 7 جىلعا جۇرگىزۋشى قۇقىعىنان ايىرىلىپ, 15 تاۋلىككە اكىمشىلىك قاماۋعا الىندى.
