ولاردىڭ ءبارى وزىنە عانا ەمەس جول قوزعالىسىنىڭ باسقا قاتىسۋشىلارىنا ناقتى قاۋىپ ءتوندىردى دەۋگە بولادى. سونىڭ ىشىندە جاياۋ جۇرگىزۋشىلەردى دە سوعىپ كەتۋ قاۋپى جوعارى.
ۇستالعانداردىڭ ءبىرى «Honda» ماركالى اۆتوكولىكتىڭ جۇرگىزۋشىسى. ول كاراۆاننايا كوشەسىندە قالاعا كىرىپ كەلە جاتقاندا ۇستالدى. مەديتسينالىق كۋالاندىرۋ ونىڭ ماساڭ كۇيدە ەكەندىگىن كورسەتتى, ول كولىكتى ورتا دارجەدەگى الكوگولدىك ماساڭ كۇيدە جۇرگىزىپ كەلگەن. اتالعان فاكتى بويىنشا اكىمشىلىك قۇقىق بۇزۋشىلىق تۋرالى كودەكسىنىڭ 608-بابى بويىنشا اكىمشىلىك حاتتاما تولتىرىلىپ, ء ىس سوتقا جىبەرىلدى. وسى باپتىڭ سانكتسياسىنا سايكەس قۇقىق بۇزۋشى ەندى جەتى جىلعا كولىكتىڭ رولىنە وتىرۋدى ۇمىتۋىنا تۋرا كەلەدى.
وسىعان ۇقساس فاكتى قالانىڭ زايسان اۋدانىنداعى سۆوبودنايا كوشەسىندە دە انىقتالدى. تەكسەرۋ ءۇشىن «Toyota RAV4» كولىگىنىڭ جۇرگىزۋشىسى توقتاتىلدى. ءمان-جايدى انىقتاۋ بارىسىندا 45 جاستاعى قالا تۇرعىنى ەسىرتكىلىك ماساڭ كۇيدە رولگە وتىرعانى بەلگىلى بولدى. ناتيجەسىندە اكىمشىلىك حاتتاما تولتىرىلدى, ول دا جەتى جىلعا كولىك باسقارۋ قۇقىعىنان ايىرىلماق.
سقو پد باستىعىنىڭ مىندەتىن اتقارۋشى, پوليتسيا پولكوۆنيگى قانات ايتباەۆتىڭ ايتۋىنا قاراعاندا «ماس جۇرگىزۋشى» جەدەل-پروفيلاكتيكالىق ءىس-شاراسى شىلدەنىڭ 15-ءسى مەن 31-ءى ارالىعىندا وتكىزىلەدى. ماقساتى – جول قوزعالىسى ەرەجەلەرىنىڭ ورەسكەل بۇزۋشىلىقتارىن انىقتاۋ جانە ونىڭ جولىن كەسۋ. ءتورت كۇننىڭ ىشىندە جول قوزعالىسى ەرەجەلەرىنىڭ 1995 ءتۇرلى بۇزۋشىلىعى انىقتالعان. سونىڭ ىشىندە قاۋىپسىزدىك بەلدىگىن پايدالانباۋ جانە رولدە تەلەفوندى پايدالانۋدىڭ بىرنەشە ءجۇز فاكتىسىنەن بولەك, جىلدامدىقتى بۇزۋدىڭ – 171 فاكتىسى, مانەۆر جاساۋدىڭ – 65, سونداي-اق بۇرىن باسقارۋ قۇقىعىنان ايىرىلعان تۇلعالارمەن كولىك باسقارۋدىڭ – 56 فاكتىسى انىقتالعان.
