«19 شىلدە كۇنى ساعات 22 شاماسىندا الماتى قالاسىنىڭ بوستاندىق اۋدانىندا 1962 جىلى تۋعان, الماتىدا تۇراتىن جۇرگىزۋشى DUKE BLACK موتوتسيكلىن باسقارىپ, ساتپاەۆ كوشەسىمەن باتىس باعىتتا ءجۇرىپ كەلىپ, رەسپۋبليكا الاڭىنداعى № 4 عيماراتقا قاراما-قارسى ەكى جاياۋ جۇرگىنشىنى - 1976 جىلى تۋعان ازاماتشا مەن 2015 جىلى تۋعان بالانى قاعىپ كەتتى. ولار ساتپاەۆ كوشەسىنىڭ ءجۇرىس بولىگىن سولتۇستىك باعىتتا دۇرىس ەمەس جەردە كەسىپ ءوتتى», دەپ ءتۇسىندىردى الماتى قالاسى پد انىقتاۋ باسقارماسىنىڭ باستىعى ولجاس ءشارىپوۆ.
پوليتسيا حابارلاعانداي, جول اپاتى سالدارىنان ايەل جانساقتاۋ بولىمىنە جەتكىزىلدى, بىراق العان جاراقاتتارىنان قايتىس بولدى. بالا قالاداعى اۋرۋحانالاردىڭ بىرىنە رەانيماتسيا بولىمىنە جەتكىزىلدى. جۇرگىزۋشى دە ءتۇرلى دەنە جاراقاتتارىمەن اۋرۋحاناعا جەتكىزىلدى.
اتالعان فاكتى قر قك 345-بابىنىڭ 3-بولىگى بويىنشا سوتقا دەيىنگى تەرگەۋدىڭ بىرىڭعاي تىزىلىمىندە تىركەلىپ, تەرگەۋ جۇمىستارى باستالدى.
