ايماقتار • 20 شىلدە، 2021

قاجىعالي مۇحانبەتقالي ۇلىنا ارنالعان كورمە

286 رەت كورسەتىلدى

اقتوبە وبلىستىق تاريحي-ولكەتانۋ مۋزەيىندە بەلگىلى جازۋشى قاجىعالي مۇحانبەتقالي ۇلىنىڭ شىعارماشىلىعىنا ارنالعان «ەستەن كەتپەس بەينە» اتتى كورمە ءوتتى. كورمەگە ءار كەزەڭدە مۋزەي قورىنا جيناقتالعان فوتوسۋرەتتەرى، وردەن-مەدالدارى مەن توسبەلگىلەرى قويىلدى. س.بايىشەۆ اتىنداعى كىتاپحانا دا جازۋشىنىڭ كىتاپتارى مەن باسىلىمداردا جاريالانعان ماقالالارىن ەكسپوزيتسياعا قويدى.

قاجىعالي مۇحانبەتقالي ۇلى 1942 جىلى بايعانين اۋدانىنىڭ كەمەرشي اۋىلىندا تۋعان. قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىن بىتىرگەننەن كەيىن اقتوبە وبلىستىق تەلەۆي­زياسىندا، كەيىن وبلىستىق «كوم­مۋنيزم جولى» گازەتىندە ەڭ­بەك ەتتى. جازۋشى الماتىعا قو­نىس اۋدار­عان سوڭ «قازاقستان» باسپاسىندا رەداكتور، «جۇلدىز» جۋرنالىندا اعا ادەبي قىزمەتكەر، «قازاق ادەبيەتى» گازەتىندە پروزا ءبولىمىنىڭ مەڭگەرۋشىسى، جاۋاپتى حاتشى. «جاڭا فيلم» – «نوۆىي فيلم» جۋرنالىنىڭ باس رەداكتورى، «تۇركىستان» اپتا­لى­عىنىڭ ءبولىم مەڭگەرۋشىسى بولدى.

جازۋشىنىڭ «جۇلدىزدى تۇن­دەر»، «توعاي سىبدىرى»، «جاڭ­عى­­رىق»، «ەسكى دوستار»، «قاي­دا­سىڭ، سەن ماحاببات؟»، ء«ومىر سوق­­پاقتارى»، «سىنىق تەرەزە» كىتاپ­تارى جارىق كوردى.سونىڭ ىشىندە ماحامبەت وتەمىس ۇلىنا ارنال­عان «باس جۇتقان باس» پوۆەسى وقىر­ماندار جۇرەگىنەن جول تاپتى.

جازۋشى 2012 جىلى سىرىم باتىر جايلى «تار كەزەڭ» تاريحي رومانىن جارىققا شى­عا­رىپ، 2014 جىلى وسى كىتاپقا قا­زاقستاننىڭ مەم­لە­­كەت­تىك سىي­­­لىعى بەرىلدى. ق.مۇحان­بەت­قالي­-

ۇلىنىڭ شىعار­مالارى ورىس، ۋكراين، وزبەك، تۇ­رىكمەن تىلدەرىنە اۋدا­رىل­سا، ءوزى دە پ.مەريمە، ر.اكۋ­­تاگاۆا، س.موەم، تۇرىكمەن جا­زۋ­شىسى ت.جۇ­­­­ماعا­ليەۆتىڭ، ورىس جا­زۋ­شى­سى ا.سكلون­­نىڭ شىعار­ما­لا­رىن قازاق تى­لىنە اۋداردى.

قاجىعالي مۇ­حان­بەتقا­لي­ ۇلىمەن بىرگە قىز­مەتت­ەس بولعان اق­توبەلىكتەر، سوعىس­­تان كەيىنگى قي­ىن-قىستاۋ كە­زەڭدە بايعانين دالاسىندا وتكەن بالالىق شاعى تۋرالى جەرلەستەرى ەستەلىكتەرمەن ءبولىستى.

 

اقتوبە وبلىسى

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار